”Петро чайна дачин тамсаг”-ын засварын ажил дуусчээ

“Петрочайна Дачин Тамсаг” компанийн 19 дүгээр талбайн ачилтын хэ­сэгт гал гарч 10 машин шатсан.  Галын дараа гэмтэлийг засварлаж эхэлсэн. Үүнээс болж тээвэрлэлт  90 орчим хувиар буурсан юм. Харин ачих хэсгийн байгууламжийн гэмтлийг энэ сарын 17-нд засварлаж дууссаныг Газрын тосны газраас мэдээлсэн.Сэргээн засварлах ажил дууссанаас хойш өдөрт дунджаар 85 машинаар 2125 тонн нефть тээвэрлэсэн аж. “Петрочайна Дачин Тамсаг” компанийн хувьд нийт 375 олборлолтын цооногтойгоос одоогоор 325-ынх нь үйл ажиллагааг хэвийн явуулж байгаа юм байна.