Нийслэлийн их цэвэрлэгээ эхэллээ

Урин дулааны улирал ирж байгаатай холбогдуулан хаврын бүх нийтийн их цэвэрлэгээний ажлыг хоёр өдөр зохион байгуулахаар Сүхбаатар дүүргийн Засаг даргын А/115 тоот захирамж гарсан билээ. Энэ ажлын хүрээнд дүүргийн 9 болон 11-20 дугаар хороодын их цэвэрлэгээний ажил өнөөдөр эхэллээ. Цэвэрлэгээний хүрээнд иргэд, аж ахуйн нэгж байгууллагууд гадна орчныхоо нийтийн эзэмшлийн зам талбай, хайс, хашлага, явган хүний замын хогийг цэвэрлэж, угаан, хаягийг стандартын дагуу шинэчилж, гэрэлтүүлгийн нэмэгдүүлэн, орчныхоо 50 м хүртэлх зам талбай ногоон байгууламжийг цэвэрлэнэ. Өнөөдөр Сэлбэ голын ай сав, Ногоон нуурын далан орчмоор дүүргийн Онцгой байдлын хэлтсийн албан хаагчид болон  иргэд, оюутан сайн дурынхан нийлсэн 500 орчим хүмүүс их цэвэрлэгээ хийлээ. Мөн энэхүү цэвэрлэгээний ажилд ажилгүй иргэдийг урамшуулал олгон хамруулж байгаа билээ. Дүүргийн хэмжээнд хог тээврийн чиглэлээр ажилладаг 5 компани хуваарийн дагуу хогийг шуурхай тээвэрлэж байна.