ТББ-ын багтай хошин шогийнхон “MCS”-тэй энэ тэнцэх ашиг олдог уу

Манай хошин урлагийн жүжигчид азын дугаартай жийп хөлөглөж, үнэтэй хаусанд аж төрдөг. Үнэндээ хэн нэгний татварын мөнгөнөөс идэж авлигын аргаар баяжсан дарга нарын хажууд тэд үнэн цагаан хөдөлмөрөөрөө өдөр шөнөгүй зүтгэж энэ хэмжээнд хүрсэн. Хэн чадаж байна тэр мөнгөжих хуултай  энэ нийгэмд манай жүжигчид шөнийн бор хоногтоо л гэртэй харагдаж бэлтгэл сургуулиа хийсээр  үзэгчдийг байлдан дугуулсан бүтээл гаргадаг. Гэсэн ч тэднийг хардах нэг шалтгаан байна. Үзэгчдээс бий болгосон орлогынхоо хэдэн хувийг татварт төлдөг бол гэдэг асуулт саяхнаас гарч ирээд байгаа. Тодруулбал монголдоо ашиг орлогоороо дээгүүрт жагсдаг "MCS-Электроникс" ХХК-ийн татвар, үйл ажиллагааны зардлын дараах жилийн ашиг 1 тэрбум төгрөг. Харин нийгэмд үүсээд буй асуудал бол  урдаа барьдаг шилдэг инженер, IT-ийн мэргэжилтнүүдийн тархийг бид ингэж үнэлэж байгаа. Харин  хошин шогийнхны ашиг үүнээс даван гарсан баримтыг тэд нэгэн сурталчилгаагаараа өөрсөдөө дэлгэсэн байдаг.  24 жилийн түүхнээ 46000 удаа тайзнаа тоглож, 26 сая хүнд инээд бэлэглэж, 256 удаа хандивийн тоглолт хийсэн.  Харин зөвхөн 2014 он гарсаар дөрөвхөн сарын дотор нийслэлд тоглогдсон 10 хошин шогийг үзэхэд иргэд  885,5 сая төгрөг зарцуулсан.  Хамгийн сүүлд  тавьсан “Вest of comedy” тоглолтын тасалбар нь 35000-40000 төгрөгийн үнэтэй.

Мөрөөдлийн театр, Эмоци продакшн, Х түц, Шинэ үе зэрэг хошиг шогийн хамтлагууд маань ТББ гэсэн далбаан дор үйл ажиллагаа явуулдаг. Тиймээс жил улирал сарын орлогын тайлангаа гаргаж улсад төлсөн татварын хэмжээгээ ил болгохыг иргэд сонирхож байгаа юм.