АТГ эрүүгийн 96 хэрэгт мөрдөн байцаалт явуулжээ

Авлигатай тэмцэх газраас хийж байгаа судалгаа шинжилгээнийхээ талаар мэдээлэл хийлээ. Хэвлэлийн бага хуралд Авлигатай тэмцэх хэлтсийн дарга, эрхэлсэн комиссар Б.Доньжчимбуу болон мөрдөн шалгах, судалгаа шинжилгээний хэлтэсийнхэн мэдээлэл хийсэн юм.

Авлигатай тэмцэх газарт 2014 оны нэгдүгээр улиралд гэмт хэргийн шинжтэй 85 гомдол бүртгэгдсэн байна. Мөн нэгдүгээр улиралд 96 эрүүгийн хэрэгт мөрдөн байцаалтын ажиллагаа явуулан ажилласан байна. Энэ нь 2013 оны мөн энэ үетэй харьцуулахад 20 хувиар өссөн үзүүлэлт гарсан байна. Мөрдөн байцаалт явуулсан нийт хэрэг, үйлдлийг Эрүүгийн хууль зүйл хэсгээр ангилан үзвэл хамгийн ихийг буюу 25 хувийг төрийн дээд албан тушаалтан албаны эрх мэдэл буюу албан тушаалын байдлаа урвуулан ашиглах хэрэг бүртгэгдсэн байна. Мөн гэмт хэргийг улмаас 24.5 тэрбум төгрөгийн хохирол учруулаад байгаа нь тогтоогдсон байна. Гэмт хэргийн улмаас 24.5 тэрбум төгрөгийн хохирол учирсанаас 798.9 сая төгрөгийн хохиролыг мөрдөн байцаалтын явцад төлүүлээд байгаа аж. Мөн дашрамд дуулгахад авилгын тархацын үзүүлэлтээр 2013 онд УИХ 3.67 хувь, Засгийн газар, яам 4.08 хувь, улс төрийн намууд 4.09 хувь гэж үнэлэгдсэн байна.