Тоон системийн давуу тал юу вэ?

Энэ долоо хоногоос манай улс аналог системийг унтрааж эхэллээ. Дэлхий нийтийн хөгжлийн чиг хандлагыг даган манай улс ч хамгийн сүүлийн үеийн дэвшилтэт технологиудыг эх орондоо нэвтрүүлж байгаагийн нэг жишээ нь телевизийн тоон систем юм. 

Одоо бидний өргөн ашиглаж байгаа сүүлийн үеийн гэгдэх LCD, LED, Plasma ТВ-үүд нь дэвшилтэт тоон системийг шууд хүлээн авч ажиллах боломжгүй юм. Тоон системийг хүлээн авч ашиглахийн тулд түүнийг хүлээн авч ТВ-рүүгээ дамжуулах төхөөрөмжийг нэмэлтээр авах асуудал гарч байна.

Дэлхийн улс орон бүр өөрийн улс орны нөхцөл байдалд тохируулан янз бүрийн стандартуудыг ашиглаж байгаа бөгөөд одоогийн байдлаар дэлхий дээр 4 төрлийн газрын тоон телевизийн стандартыг түгээмэл ашиглаж байгаа билээ.

Үүнд: 

• ATSC (Advanced Television Systems Committee)
• ISDB-T (Integrated Services Digital Broadcasting Terrestrial)
• DVB-T (Digital Video Broadcast Terrestrial) – DVB-T2 (Digital Video Broadcast Terrestrial2)
• DTMB (Digital Terrestrial Multimedia Broadcast)

Дээрх 4 төрлөөс дэлхийн улс орнууд аль нэгийг нь багцаар нь сонгон дангаар нь улсдаа нэвтрүүлэн ашигладаг ба  ингэснээр  улс орны эдийн засгийн хувьд ашигтай байлгаж чаддаг байна.

Аналог системийн дутагдалтай талууд:

    - Сигналийн алдагдал ихтэй (Шуугиан, харилцан нөлөөлөл)
    - Гэнэтийн нөлөөлөлд өртөх магадлал ихтэй (Шууд сигнал болон нөлөөлөгдсөн сигнал)
    - Зурвасын ашиглалт муу
    - Программ бүр нэг сувгийн зурвас ашигладаг
    - Давтамжийн цараа нь өргөн зурвас ашигладаг
    - Нэмэлт өгөгдөл оруулах боломжгүй
    - Хөдөлгөөнт хэрэглэгч хүлээн авах боломжгүй

Тоон системийн давуу талууд:

• Улс орны хувьд давтамжийн ашиглалтын зурвас нэмэгдэнэ
• Нэвтрүүлэгийн бүрхэлтийн хүрээ нэмэгдэнэ
• Сувгийн гажилт муруйлтыг эсэргүүцэх систем сайтай, нөлөөлөлд бага өртдөг
• Нэмэлт өгөгдөл дамжуулах боломжтой
• Программын сонголт харьцангуй их
• Шахалт хийх гайхалтай боломжтой
• Хөдөлгөөнт хэрэглэгч телевиз хүлээн авах боломжтой
• Үзэгчид хүсвэл программаа буцааж үзэх боломжтой
• Телевизийн төлбөрийн шинэ аргачлал нэвтрэх боломжтой
• Нэг давтамжийн сүлжээ нэвтрүүлэх боломжтой

 Ашиг тус:

1. Программын сонголт сайтай /ижил давтамжийн зурвасаар маш олон программ хүлээн авна
2. Чанарын өндөр түвшний нэвтрүүлэг үзэх боломжтой
3. Программын электрон зааварчилгаатай
4. Нэмэлт мэдээ мэдээллүүдийг хүлээн авах боломжтой /гамшгийн үеийн мэдээлэл, урьдчилсан сэргийлэх, ачаалал/
5. Үзэгчид хүсвэл программаа буцааж үзэх гээд олон боломжийг хэрэглэгчдэд давхар олгож байгаа юм.

 Аналоги системийг унтраах хуваарь:

- Улаанбаатар: 09.25-10.05- ны  хооронд

- Төв, Өмнөговь аймаг: 07.15-07.25-ны  хооронд

- Баян-Өлгий, Хөвсгөл аймаг: 09.05-10.05-ны  хооронд

- Сэлэнгэ аймаг: 08.05-08.25-ны хооронд.