Дорнодод гарсан хээрийн түймрийг бүрэн унтраажээ

Дорнод аймгийн Булган сумын Хулсан шанд багийн Адгийн-Овоо гэдэг газар сумын төвөөс зүүн урд зүгт 35 км-т өчигдөр /2019.11.04/ хээрийн түймэр гарчээ. Түймрийг унтраахаар аймгийн Онцгой байдлын газрын Эрэн хайх, аврах ангийн 36 алба хаагч, Булган сумын 60 иргэн, Баянтүмэн сумын зургаан иргэн, нийт 102 хүн, 20 автомашин, таван мотоциклтой ажиллаж, өчигдөр 17:30 цагийн үед цурамд оруулсан байна.

Хээрийн түймрийг унтрааж, тус сумын Засаг дарга Д.Базаргүр, Байгаль орчны хяналтын улсын байцаагч Н.Мөнхтөр нарт хүлээлгэн өгчээ.