ӨВӨРХАНГАЙ: Политехник коллежийг төгсөгчид үнэмлэхээ гардан авлаа

Л.Болд | Zindaa.mn
2020 оны 01 сарын 10

Өвөрхангай аймаг дахь Мэргэжлийн сургалт үйлдэрлэлийн төв магадлан итгэмжлэгдсэн Политехник коллеж болон өргөжин анхны суралцагчдаа төгсгөж, мэргэжлийн үнэмлэх гардуулах ёслолын үйл ажиллагааг зохион байгууллаа.

Политехник коллежийн захирал С.Санчир мэргэжлийн ур чадвар эзэмшин гарч буй төгсөгчдөдөө ажиллаж байгаа байгууллагадаа өөрсдийн сэтгэл хандлагаа шингээн ажиллаж, тасралтгүй хөгжин, хариуцлагатай үнэ цэнэтэй ажилтан болохыг захиж баяр хүргэв.

2019-2020 оны хичээлийн жилийн мэргэжлийн боловсрол сургалтын 2.5 жилтэй долоон мэргэжлийн 79 суралцагч төгсөж, ажил амьдралын гараагаа эхлүүлж байна. Тус баяраар 28 төгсөгч хамтран ажилладаг аж ахуй нэгж байгууллагуудаас “Ажлын байрны урилга”-ыг гардан авсан юм. 

Өвөрхангай аймгийн ЗДТГ 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top