2021 оны анхны дуудлага худалдаагаар 21 сая ам.доллар худалджээ

Монголбанк 2021 оны эхний гадаад валютын дуудлага худалдаагаар банкуудаас  ирүүлсэн саналыг 100% биелүүлж 21 сая  ам.долларыг ялгаатай ханшаар нийлүүлжээ.

Төгрөгийн ам.доллартой харьцах албан ханш  2,850.03  байна.

Сануулахад, өнгөрсөн арваннэгдүгээр сарын байдлаар  ам.долларын    ханш   өмнөх    сараас    3.6 төгрөгөөр  буурчээ.

Тодруулбал, арваннэгдүгээр  сард  Монголбанкны  төгрөгийн ам.доллартай  харьцах  нэрлэсэн  дундаж  ханш өнгөрсөн оны  мөн  үеэс 144  төгрөг  буюу 5.4 хувиар нэмэгдэж,  өмнөх сартай харьцуулахад 3.6 төгрөг буюу -0.13  хувиар  буурч,  өмнөх  улирлаас  0.03 хувиар өсөж, 2850 төгрөг болжээ.