Сонгино, сармисны импорт нэмэгджээ

Э.Мөнхжин | Zindaa.mn
2021 оны 01 сарын 09

2020 оны  арваннэгдүгээр сарын байдлаар хүнсний  гол нэрийн дараах бүтээгдэхүүнүүдийн импорт үнийн дүнгээр  өсжээ.

 

  • Элсэн чихрийн импорт 2495.5 мянган ам.доллароор
  • Маргарины импорт 1810.7 мянган ам.доллароор
  • Ургамлын тосны импорт 4117.7 мянган ам.доллароор
  • Шахмал ногоон цайны импорт 246.3 мянган ам.доллароор
  • Сонгино, сармисны импорт 1454.5 мянган ам.доллароор
  •  Цагаан будааны импорт 4919.6 мянган ам.доллароор тус тус өссөн байна.

 

Харин дараах бүтээгдэхүүний импорт буурчээ.

 

  •  Хуурай сүүний импорт 1630.9 мянган ам.доллароор
  •  Шар будааны импорт 575.0 мянган ам.доллароор
  • Алим лийрний импорт 1506.6 мянган ам.доллароор
  • Лууван, манжингийн импорт 587.5 мянган ам.доллароор тус тус буурчээ.

 

Дараах хүснэгтэд харуулсан 14 төрлийн гол нэрийн хүнсний бүтээгдэхүүнээс 6 төрлийн бүтээгдэхүүний импорт биет хэмжээгээр буурчээ.

Тухайлбал шар будааны импорт 886.1 тонноор, алим лийрний импорт 2.3 мян.тонноор, хуурай сүүний импорт 0.8 мян.тонноор, байцааны импорт 1.5 мян.тонноор  тус тус буурсан байна. Харин элсэн чихрийн импорт 4.8 мян.тонноор, цагаан будааны импорт 9.5 мян.тонноор, сонгино, сармис 5.6 мян.тонноор, ургамлын тос 3.3 мян.тонноор гэх мэт 8 нэр төрлийн бүтээгдэхүүний импорт биет хэмжээгээр өсчээ.

Эдгээр хүнсний бүтээгдэхүүний импортын дундаж үнийн өөрчлөлтийг мөн хүснэгтэнд харуулав. Үүнээс харахад байхуу цайны импортын тонн тутмын дундаж үнэ 1150.1 ам.доллароор, цөцгийн тосны импортын дундаж үнэ 520.0 ам.доллароор тус тус буурсан бол, хуурай сүүний импортын дундаж үнэ 292.5 ам.доллароор, ургамлын тосны дундаж үнэ 48.8 ам.доллароор, алим лийрний дундаж үнэ 44.8 ам.доллароор тус тус нэмэгджээ.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
(103.212.119.31) 2021 оны 01 сарын 09

nuguu surhii huns nogoo tariad baidag shal hudlaa,zun 1 heden baastai tumus hashaandaa tarisnaa zarchaad barag l urgats ene tr getsen

0  |  0
Top