Нийгмийн даатгалын сангийн ЗАРЛАГА орлогоосоо давжээ

Э.Мөнхжин | Zindaa.mn
2021 оны 04 сарын 19

Нийгмийн даатгалын сангийн орлого энэ оны гуравдугаар сарын байдлаар  өмнөх оны мөн үеэс 13.4 хувиар, зарлага 15.6 хувиар өсжээ.

Тодруулбал, Нийгмийн даатгалын ерөнхий газрын мэдээллээр нийгмийн даатгалын сангийн орлого оны эхний улиралд 769.4 тэрбум төгрөг болж, өмнөх оны мөн үеэс 91.2 тэрбум төгрөг буюу 13.4 хувиар өссөн байна.

Нийгмийн даатгалын сангийн орлого өмнөх оны мөн үеэс 91.2 тэрбум төгрөгөөр өсөхөд тэтгэврийн даатгалын сангийн орлого 70.7 (13.9%) тэрбум төгрөгөөр өссөн нь голлон нөлөөлжээ. 

Гуравдугаар сард нийгмийн даатгалын сангийн орлого 293.4 тэрбум төгрөг,  зарлага 294.7 тэрбум төгрөг болж, өмнөх сараас орлого 40.6  тэрбум төгрөгөөр, зарлага 61.8 тэрбум төгрөгөөр өсжээ.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
БИД ЯАЖ АМЬДРАХ ЮМ Б (103.80.210.18)  2021 оны 04 сарын 20

ЦАЛИНГИЙН ИХЭНХ ХУВИЙГ НД АВЧИХААД АРД ИРГЭДИЙН МӨНГИЙГ УНДНРМАА МЭТИЙН ХУВИЙН БАНКАНД ХИЙЧИХЭЭД ОДОО АРД ИРГЭДЭЭ ЯА ГЭЭД БАЙГАА ТӨРИЙН ТҮШЭЭД ВЭ. ЗӨВХӨН ӨӨРСДИЙГӨӨ Л БОДДОГ УЛС ТӨРЧДӨӨС ХУРДАН САЛАХ ЮМСАН

0  |  0
Top