ШИЙДВЭР: Зээлийн үлдэгдлээ бүрэн төлсөн бол ХАР ЖАГСААЛТААС ХАСНА

Э.Мөнхжин | Zindaa.mn
2021 оны 06 сарын 03

Монголбанк санхүүгийн тогтвортой байдлыг хадгалах, санхүүгийн салбарт хуримтлагдсан эрсдэлийг бууруулж, цар тахлын дараах “Их сэргэлт”-ийг зорин,  дараах хоёр нөхцөлийг зэрэг хангасан зээлдэгч, төлбөр хариуцагчийн зээлийн мэдээллийг лавлагаанд тусгахгүй байхаар Зээлийн мэдээллийн санд тохируулга хийх шийдвэрийг гаргажээ. Үүнд:

 

  • Монголбанкны зээлийн мэдээллийн санд нэгээс дээшгүй хугацаа хэтэрсэн болон чанаргүй зээлийн түүхтэй байх

 

  • Хугацаа хэтэрсэн болон чанаргүй зээлийн ангилалд орсон зээл, төлбөр нь 2021 оны долоодугаар сарын 01-ний өдрөөс өмнө бүрэн төлөгдсөн байх

 

  • Монголбанкнаас гаргасан шийдвэр нь 2021 оны долоодугаар сарын 01-ний өдрөөс эхлэн хэрэгжих бөгөөд анхаарал хандуулах (хугацаа хэтэрсэн) болон чанаргүй зээлийн ангилалд орсон зээл, өр төлбөрөө 2021 оны  зургаадугаар сард багтаан бүрэн барагдуулсан тохиолдолд дээрх арга хэмжээнд хамрагдах боломжийг иргэн, аж ахуйн нэгжид олгож байгаа болно гэж Монгобанкнаас мэдэгдлээ.

 

Сануулахад, УИХ-ын дарга Г.Занданшатар /2021.05.28/  МҮХАҮТ-д худалдаа, бизнес эрхлэгчдийн төлөөлөлтэй уулзахдаа  МҮХАҮТ-аас гаргасан “Эдийн засгийн Их сэргэлт” санаачилгыг дэмжин, Монголбанкны Зээлийн мэдээллийн сан дахь иргэн болон аж ахуйн нэгжүүдийн хар жагсаалтад тохируулга хийж, хар түүх, тэмдэглэгээг байхгүй болгох, худалдаа эдийн засгийн асуудлыг дагнан хариуцах нэгжийг бий болгох зэрэг санаачилгуудыг ажил хэрэг болгохоо илэрхийлж, хууль эрх зүйн орчныг боловсронгуй болгоход анхаарахаа илэрхийлж байсан юм.

Сэтгэгдэл ( 5 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин  (95.12.115.159)  2021 оны 06 сарын 04

Дандаа худлаа яах гэж ингэж ажил хийчихсэн дүр үзүүлдэг юм бэ

0  |  0
иргэн (64.119.19.80)  2021 оны 06 сарын 04

Зээл авсан бол төлөх ёстой.Зах зээлийн бат бэх зарчим шүү дээ.Шудраага зах зээлд өрсөлдөж буй аж ахуй хувь хүн олон бий тэр хүмүүсийг зүгээр орх иж үл болно.

0  |  0
zochin (223.104.15.202)  2021 оны 06 сарын 03

zee Lee told character hun baihgui ya day huu aldanga awahgui baimaar ym

0  |  0
ЗОЧИН (150.129.142.101)  2021 оны 06 сарын 03

зээлээ бүрэн төлж чадах нь хэд юм болдоо.яадахдаа хүү алданги гэж нэг юмыг нь чөлөөлвөл их л зөв байхдаа\n

0  |  0
Зочин (43.228.131.189)  2021 оны 06 сарын 04

Цонхны цаанаас чихэр долоолгоно гэдэг л энэ дээ. Бас эдийн засгийн их сэргэлт гэчихжээ.

2  |  0
Top