Турк Сири, Иракт ЦЭРГИЙН АЖИЛЛАГАА явуулна

Турк улс Сирийн Курдистаны ажилчдын намын жигүүрийн эсрэг агаарын цэргийн ажиллагаа явуулах аж. Тус ажиллагаа Сири болон Иракийн хойд хэсэгт болох юм байна.

Туркийн Батлан хамгаалах яамнаас мэдээлснээр тус улс Сири болон Иракийн хойд хэсэгт Курдистаны террорист ажиллагааны эсрэг цэргийн ажиллагаа явуулахаар болжээ.

Туркийн агаарын цохилт Сирийн хойд хэсэгт орших Кобани хот руу чиглэх аж.

Тус улсын Дотоод хэргийн сайд Сулейман Сойлу “Истанбулд террорист халдлага хийх тушаалыг Сирийн Манбиж хотоос өгсөн” гэж мэдэгдсэн билээ. Туркийн Истанбул хотын Истиклял явган хүний гудамжинд энэ сарын 13-нд дэлбэрэлт болсон билээ. Дэлбэрэлтийн улмаас зургаан хүн амиа алдаж, 81 хүн гэмтэж бэртсэн. Тус дэлбэрэлтийг террорист ажиллагаа байж магадгүй гэж үзэж, эрүүгийн хэрэг үүсгэн шалгаж буй.