Өнөөдөр сондгой тоогоор төгссөн автомашин хөдөлгөөнд оролцохгүй

Өнөөдөр буюу наймдугаар сарын 26-наас автомашины улсын дугаарын тэгш, сондгойгоор хөдөлгөөнд оролцуулна.

Тодруулбал, өнөөдөр тэгш буюу 0, 2, 4, 6, 8-аар төгссөн автомашинуудыг замын хөдөлгөөнд оролцуулах бол сондгой тоогоор төгссөн улсын дугаартай автомашины хөдөлгөөнийг 08:00-20:00 цагийн хооронд хязгаарлана.

Түүнчлэн сондгой буюу 1, 3, 5, 7, 9-өөр төгссөн автомашинууд 8 сарын 27-нд хөдөлгөөнд оролцож, тэгш тоотой нь хязгаарлагдах зарчмаар есдүгээр сарын 15-ныг хүртэл үргэлжлэх юм.

Дугаарын хязгаарлалтын бүс
 

• Хойд хязгаар нь 32-ын тойрог
• Урд хязгаар нь 120-ийн уулзвар
• Зүүн хязгаар нь Чулуун овооны аюулгүйн тойрог
• Баруун хязгаар Саппорогийн тойргийн хүрээнд зорчуулна.