“Эрүүл мэндийн технологи-2023” Олон Улсын үзэсгэлэн нээгдлээ

Монгол Улсын засгийн газраас Монголд зочлох жилийн хүрээнд онцлон зохион байгуулагдах “Эрүүл мэндийн технологи-2023” олон улсын үзэсгэлэн өнөөдөр /2023.09.22/ Мишээл экспо үзэсгэлэнгийн танхимд нээлтээ хийлээ.

ҮЗЭСГЭЛЭНД ХҮРЭЛЦЭН ИРСНЭЭР...Эрүүл мэндийн салбарын оношилгооны дэвшилтэд технологи, арга аргачлал, Олон улсын болон дотоодын эм, эмнэлгийн тоног төхөөрөмж ханган нийлүүлэгч байгууллагуудын бараа бүтээгдэхүүнтэй танилцах, Олон Улсын байгууллагууд, хөрөнгө оруулагчидтай харилцаа холбоо тогтоож хамтын ажиллагааг өргөжүүлэх, харилцан туршлага солилцох, мөн таны бизнест туслах шинэ бүтээгдэхүүн, үйлчилгээтэй танилцах боломжтой. Үзэсгэлэнгийн үеэр оролцогч байгууллагууд үнэ төлбөргүй үзлэг оношилгоо, зөвлөгөө өгнө.

Мөн төр, хувийн хэвшлүүдэд Олон улсын дэвшилтэд техник технологийн оролцоог хангах замаар шинээр нэвтэрч байгаа технологи, эм ханган нийлүүлэлт, тоног төхөөрөмжийг сурталчлан таниулах, мэдээлэл, туршлага солилцох зорилгоор тус үзэсгэлэнгийн ерөнхий зохион байгуулагчаар “Эрүүл мэндийн яам”, “Эм, эмнэлгийн хэрэгслийн хяналт, зохицуулалтын газар" хамтран зохион байгуулагчаар Мишээл экспо ХХК, Монголын эмнэлгийн инженерчлэлийн нийгэмлэг, Монголын эм зүйн байгууллагуудын нэгдсэн ЭМ холбоо ажиллаж байна.

“Эрүүл мэндийн технологи-2023” Олон Улсын үзэсгэлэн есдүгээр сарын 22-24-ны өдрүүдэд үргэлжилнэ.