WESTERN CUP – 4x4  уралдааныг зохион байгуулахдаа усны сан бүхий газрын хамгаалалтын бүсийн дэглэмийг зөрчжээ

Ховд аймгийн Буянт сумын Норжин хайрхан багийн Улаан бураа багт бартаат замын WESTERN CUP – 4x4 Баруун бүсийн уралдаан 2023 оны  есдүгээр сарын 16-ны өдөр усны сан бүхий газарт болсон.

Ингэхдээ усны сан бүхий газрын хамгаалалтын бүсийн дэглэмийг ноцтой зөрчсөн зөрчил гарсан тул Хар нуур- ховд голын сав газрын захиргаанаас газар дээр нь ажиллаж хууль тогтоомжийн дагуу Ховд аймгийн Буянт сумын ЗДТГ болон аймгийн Цагдаагийн газрын Экологийн албанд холбогдох хэргийг шилжүүлж хохирлын хэмжээг тооцуулан хариуцлага тооцож, нөхөн сэргээлтийн ажлыг эзэн холбогдогчоор нь хийлгүүлэхээр ажиллаж буй аж. 

Сав газрын газрын балансын нэгжид хамрагдах Баян-Өлгий аймгийн ус бохирдуулагчийн судалгаанд үндэслэн Бугат, Цэнгэл, Буянт, Улаан хус, Баяннуур, Дэлүүн сумдын хаягдал усны дүгнэлтийг гаргасан. Тус сав газрын захиргаанаас Буянт, Ховд гол дагуух намрын хог цэвэрлэгээний ажлыг 10 дугаар сарын эхний долоо хоногт хийхээр төлөвлөж байна гэж Хар Нуур Ховд Голын сав газрын захиргаанаас мэдээллээ.