Их Британи 89 төрлийн барааны импортын татварыг тэглэжээ

Их Британийн Ерөнхий сайд Кир Стармер 89 төрлийн бараа, бүтээгдэхүүний импортын татварыг хоёр жилийн хугацаанд тэглэх шийдвэр гаргажээ. Тус алхам нь дотоодын аж ахуйн нэгжүүдэд АНУ-аас явуулж буй худалдааны бодлогын үр дагаврыг даван туулахад тус болно гэж үзэж байна.

Эдгээр бараа бүтээгдэхүүнд автомашины аккумлятораас авхуулаад жимсний ундаа хүртэл төрөл бүрийн бараа, бүтээгдэхүүн орсон байна.

Энэ нь Британийн компаниудыг дэмжих чиглэлээр авах багц арга хэмжээний нэг хэсэг бөгөөд энэ хүрээнд Трампын тарифын дайнд өртсөн компаниудад олгох зээлийн хүртээмжийг нэмэгдүүлэхээр төлөвлөж байна. Засгийн газрын эл санаачилга нь компаниудад жилд 17 сая фунтын зардлыг хэмнэх боломж олгоно гэж тооцоолжээ.