“Mixx X” хамтлагийн анхны уран бүтээл “Эс залуу”

25 дугаар cyвaг телевизийн шинэ залуу хамтлагийг тодруулан, дэмжиж ажиллах зорилго бүхий төсөл нэвтрүүлэг “Making the band” шоу хоёр дахь жилдээ гурав дахь удаагаа зохион байгуулагдаж байгаа билээ. Өнөөдөр тус шоуны зохион байгуулагчид болон шоунаас төрөн гараад буй " Mix Х" хамтлагийн гишүүд сэтгүүлчдэд мэдээлэл хийв. Тус хамтлагийн анхны уран бүтээл болох "Эс залуу" дуу мэндэлсэн төдийгүй дууныхаа клипийг өнөөдөр үзэгч, сонсогчдодоо хүргэлээ. Тус клипийг Grove Entertainment-ын уран бүтээлчид хийсэн бөгөөд Дууны үгийг н.Нарангэрэл, аяыг хамтлагийн хөгжмийн продюссер н.Цэрэн хийжээ. Тэд анхны уран бүтээлээ өлгийдөн авсандаа сэтгэл хангалуун байсан юм. “Making the band-3” шоу нэвтрүүлгийн зорилго нь эрэгтэй, эмэгтэй холимог гишүүдтэй хамтлаг гаргаж ирэхэд оршиж байсан юм. Шоуны туршид хамтлагийнхан 4 дуу, 3 клиптэй болж, нэвтрүүлгээ өндөрлөх учиртай. Түүнчлэн, цаашид “25 дугаар суваг” телевизтэй 5 жилийн хугацаатай гэрээ байгуулан ажиллах юм. Хамтлаг Г.Энх-Амар, Б.Болдбаатар, О.Гүнчин-Иш, Г.Амаржил, Б.Төгсжаргал, Х.Гулназ зэрэг нийт 3 эрэгтэй, 3 эмэгтэй гишүүдээс бүрдэх бөгөөд Мix буюу холимог, Х нь нууцлаг, нууц гэсэн утгатайгаар Mixx нэртэй болжээ.

Х.Заяа