Малчин залууг амьдаар нь шатаажээ

Энэ сарын 22-нд  Налайх дүүргийн иргэн 42 настай Б-г малаа усалж байхад нь УБТЗ-ын харьяа IV зөрлөгийн  ажилчин гэх гурван залуу  зо­дож, улмаар ма­шиндаа хүчээр суулган хэргийн газраас холгүй байдаг шигүү модтой Бум­бат уулын аманд аваа­чин дахин зодсон байна. Машины­хаа хойд талын багааж­наас сав­тай 4.5 литр ша­тахуун гаргаж ирж талий­гаачийн хувцас дээр нь асган, татсан тамхиныхаа шү­дэн­зийг шидэж, талий­­гаа­чийг амьдаар нь шатаа­жээ.Тэд талийгаачийг шатаачихаад ууланд булахаар нүх ухсан байжээ. Хохирогчийг эмнэлэгт хүргэсэн ч тусламж авч чадалгүй нас барсан байна. Энэ хэргийг Баянзүрх дүүргийн цагдаагийн хэлтэс дээр шалгаж байгаад өчигдөр онц ноцтой хүнд гэмт хэрэгт тооцон Мөрдөн байцаах газарт шилжүүлсэн аж. Гэмт этгээдүүд “Малаа булаацалдан маргалдаад үг сөргөхөөр нь  айлгах гэж байгаад санамсаргүйгээр хэргийг үйлдсэн” хэмээн  мэдүүлжээ. 

Г.Энхтуяа