Оросын балетчид манай улсад ирнэ

Монгол, ОХУ-ын хооронд байгуулсан соёлын солилцооны санамж бичгийн дагуу дэлхийд балетын урлагийг тэргүүлж буй ОХУ-ын “Большой театр”, “Марийнский театр”, В.Гордеевийн “Русский балет”, “В.И.Немирович-Данченкогийн нэрэмжит театр”,  “Новосибирский театр”-ын найман эмэгтэй, найман эрэгтэй бүжгэн жүжигчин гоцлооч, дөрвөн техникийн ажилтны хамт манай улсад зочлох гэнэ. Тодруулбал ирэх сарын 2-нд ДБЭЧ-ийн тайзнаа “Оросын балетын одод” нэртэй гала тоглолтоо өргөн барих юм. Уран бүтээлчдийг “РУС АРТ” продюссерийн компанийн захирал, хадагтай Анастасия Коваленко ахлах бөгөөд тэрбээр саяхан манай оронд зочилж, бэлтгэл ажилтай танилцаад буцжээ.

Тус тоглолтыг ДБЭТ-аас санаачлан Соёл, спорт, аялал жуулчлалын яам, ОХУ-ын соёлын яамтай хамтран  зохион байгуулах гэнэ.  

Дээрх тоглолтод оролцох жүжигчдийн урьдчилсан мэдээлэл.

“Большой театр”:

Балетын гоцлооч, ОХУ-ын Мария Аллаш,

Балетын гоцлооч, ОХУ-ын Ардын жүжигчин Дмитрий Гуданов,

Балетын гоцлооч, ОХУ-ын Гавяьат жүжигчин Марианна Рыжкина,

Балетын гоцлооч, ОХУ-ын Гавяьат жүжигчин Екатерина Шипулина,

Балетын гоцлооч Карим Абдуллин,

Балетын гоцлооч, Хойд Осетиян Гавяьат жүжигчин Андрей Меркурьев,

Найруулагч Ирина Зиброва

“Новосибирский театр”: 

Балетын гоцлооч Семён Величко,

Балетын гоцлооч Роман Полковников,

Балетын гоцлооч Сабанцева Вера,

“В.И.Немировича-Данченкогын нэрэмжит театр”:

Балетын гоцлооч Кристина Шапран,

“Марийнский театр”: 

Балетын гоцлооч, ОХУ-ын Гавяьат жүжигчин Илья Кузнецов,

Балетын гоцлооч, ОХУ-ын Гавяьат жүжигчин Софья Гумерова,

Балетын гоцлооч, ОХУ-ын Гавяьат жүжигчин Андрей Баталов,

“Русский балет”:

Балетын гоцлооч ТатьянаБолотова

У.Баяраа