Б.Галсансүх гал хайрын шүлгээр “өвчилжээ”

Яруу найрагчид намар болохоор онгод нь ордог гэдэг. Үүнийг илтгэх хүн бол “Болор цом”-ын эзэн Б.Галсансүх юм. Тэрбээр навчис хөглөрсөн гудамжаар ганцаар алхахад шүлэг төрдөг хэмээн жаахан халамцсан үедээ найрагч нөхдөдөө наргиан болгож ярьж байсан. Тэр ч бүү хэл эротик шүлэг улам их асгардаг шүү хэмээдэг. Саяхан түүнтэй уулзахад “Шүлгээ л бичиж байна. Их хотынхоо хөлд дарагдаад явж л байна. Уншлагын хэдэн шүлэг бичиж байгаа. Удахгүй ном болгоно. Намар болоод ч тэр үү цэл залуухан найрагч шиг хайрын шүлэг тэрлэж байгаа” гэсэн. Тиймээс нэг их удахгүй түүний гал халуун хайрын шүлэгтэй ном мэндлэх нь ээ.

У.Баяраа