Коммент: Улсаа бодсон Ерөнхийлөгчийн уцаар дагуулсан өршөөл

Сар шинэтэй зэрэгцэн Ерөнхийлөгч маань гурвантаа өршөөлийн зарлиг гаргалаа. Гэвч энэ зарлигууд олон нийтийн талархлыг төдийлөн хүлээж чадсангүй. Хамгийн түрүүнд тэрээр өөрийг нь дарамталсан нөхрөө санаандгүй хөнөөж, хорин хэдэн жилийн ял сонсон, гучин хэдэн жилийн дараа олохгүй байсан хүүтэйгээ уулзлаа хэмээн хэвлэл мэдээллийн хэрэгслээр гарч, олны хайр өрөвдлийг хүртээд байсан Бямбасүрэн гэгч эмэгтэйд  өршөөл үзүүлсэн. Гэвч сүүлийн өдрүүдэд Бямбасүрэнгийн тухай гарах болсон таагүй мэдээллүүд олон нийтийн санаа бодлыг орвонгоор нь эргүүлээд хаячихав.

Харин Ерөнхийлөгч маань хамгийн сүүлд өчигдөр өөрийгөө биш улсаа бодсондоо нэгэн "хүнд" шийдвэрийг гаргав. Татвараас зайлсхийж, Монголын хуулиар 5-5.6 жилийн хорих ялаар шийтгэгдээд байсан гадаадын хөрөнгө оруулалттай “Саус Гоби Сэндс” компанийн удирдлагыг өршөөсөн шийдвэрээ Ерөнхийлөгч Ц.Элбэгдорж өөрөө ийнхүү “хүнд шийдвэр” гэж тодорхойлсон юм. Харин түүний энэ “хүнд шийдвэр”-ийг олон түмэн мэдээж олон өнгө төрхөөр хүлээн авч байна. Тэгэхдээ зөвтгөхөөсөө буруутгах нь илүүтэй байх шиг. Юутай ч “Коммент” булан маань “Саус Гоби Сэндс” компанийн удирдлагыг өршөөсөн шийдвэрийг олон нийт хэрхэн хүлээж авч байгааг харуулах содон сэтгэгдлүүдийг та бүхэндээ хүргэж байна.

• Олон улсын хуульч Ж.Энхсайхан:-Тухайн улсын төрийн тэргүүн өөр улсын иргэнд өршөөл үзүүлдэг практик олон улсын жишигт бий.  Энэ нь нэг хоёр хүний  эрхийн асуудлаас илүүтэй улс орнуудын харилцаа, хамтын ажиллагааны асуудал байдаг. Тодруулбал, улс төрийн тохиролцоотой холбоотойгоор өршөөл үзүүлдэг жишиг байдаг юм. Үүнийгээ  олон нийтэд  төдийлөн зарлаад байдаггүй ч  холбогдох хуулийн  байгууллагуудад бичгээр мэдэгддэг.

• Ерөнхийлөгчийн хүний эрх, хуулийн бодлогын зөвлөх Ч.Өнөрбаяр:- Бүх зүйл хуулийн хүрээнд хийгдсэн. Ер нь Татвараас зайлсхийсэн хүнийг хорих нь зөв зүйтэй шийдэл биш гэсэн бодлогыг бид барьж байгаа. Ерөнхийлөгч Монгол Улсын иргэдэд  ч  мөн уучлал үзүүлсэн. Бид цаашдаа хууль эрх зүйн орчноо харах ёстой юм байна. Татвараас зайлсхийсэн хүнээр мөнгийг нь заавал төлүүлэх ёстой. Энэ бол зарчим. Харин барьж аваачаад шоронд хорьчихоор чинь хэн ч татвараа төлөхгүй. 

• Ерөнхийлөгчийн хүний эрх, хуулийн бодлогын зөвлөх Ч.Өнөрбаяр:- Эдгээр хүмүүст уучлал үзүүлсэн нь төлөх ёстой татвараас нь чөлөөлчихөж байна гэсэн үг биш. Татварын хохирлыг төлүүлнэ. Харин хорих ялаас нь чөлөөлж байгаа 

• Ерөнхийлөгчийн хүний эрх, хуулийн бодлогын зөвлөх Ч.Өнөрбаяр:- Ерөнхийлөгч уучлал үзүүлье гээд л үзүүлчихдэг юм биш. Монголын нийтлэг эрх ашиг, олон улсын харилцаа, эдийн засгийн хүндрэлийг даван туулах, гадны хөрөнгө оруулалт, манай хуулийн тогтолцооны буруу жишиг гэх мэт олон зүйлийг харгалзаж үзэж уучлал үзүүлсэн.

• УИХ-ын гишүүн С.Дэмбэрэл:- Уучлал үзүүлэх нь заримдаа уучлал хүсэхтэй адил утгатай болох нь бий. Ялангуяа татварын асуудлаар олон бизнес эрхлэгчдээс уучлал гуайх ёстой.

Demberel Sambuu ‏@Demberel_S   

• Зохиолч Д.Энхболд:-Ерөнхийлөгч маань Монгол Улсын баялгийг ухаж идчихээд татвар төлөөгүй байсан гадаадын иргэдийг уучилжээ. Энэ бол хэн ч татвар төлөхгүй байж болно гэсэн үг мөн биз. Нөгөөтэйгүүр нэгэнт төлөгдсөн татварыг уучилж төлсөн эзэнд нь буцааж олго гэсэн үг мөн биз. Тиймээс ноён Ерөнхийлөгчөө өнгөрсөн жилд миний Монгол Улсад төлсөн таван сая төгрөгийн татварыг уучлан уг эзэнд нь буцааж олгоно уу.

• Хууль зөрчсөн гадаадын хөрөнгө оруулагчийг Монголын шүүх зохих ялыг нь оногдуулдаг гэсэн мессеж хөрөнгө оруулагчдыг үргээнэ, энэ нь Монголын нэр хүндэд нөлөөлнө гэж харах нь дэндүү өрөөсгөл. Харин ч эсрэгээрээ усыг уувал ёсыг нь дагаж, Монголын хууль тогтоомжийн хүрээнд ажиллах ёстой гэсэн сануулгыг илүүтэй өгөх биш үү.

Zindaa.mn  

• @elbegdorj таныг монголынхоо нэр хүндийн төлөө үйлдэл хийж байгаа гэж бодовч, Каплаг уучилж хуулиа уландаа гишгэж байгаад харамсаж байна.

амжилт ‏@bayanmunkh6  

• Ажиглаарай, өнөөдөр бидэнд тулгарч буй ихэнх том асуудал өчигдрийн бидний шийдлийн үр дагавар ...ОТ,ТТ,ТЗ,Авлигачид.. Асуудлаа бид бүтээдэг.

Enkhbat Dangaasuren ‏@enkhbat  

• @elbegdorj жүжгээ дуусгах болоогүй юу

idergovi ‏@idergovi  

• Каплаг Монголд орж ирэхгүй болтол нь хөөж явуулах ёстой ш дээ уучилжил байдаг, АНУ гаас айх хэрэг бгаамуу!!!!!!!!!!!!!!!!!!!!!!!!!!!!!!!!!!!

амжилт ‏@bayanmunkh6   

• Гадныхан татвар төлөхгүй бол өршөөгддөг юм байна. Гэтэл биднийг болохоор төл гэж яаж дарамтлаж байна гээч.

Д.Ган-Од ‏@ganODEL  

• @elbegdorj Эрхэм Ерөнхийлөгч та эгэл ард Мөнхбаярыг бус буу бариулахад хүргэсэн авилгачид луйварчдыг яагаад шийтгэж чаддаггүй юм бэ?

Амгаланбаатар ‏@B_Amgalanbaatar  

• АНУ-ын Элчин сайдын яамнаас уучлалд талархалтай хандаж бгаам бн. Капла нарыг хэлмэгдсэн гэж үзэж байгаа бололтой...

Наранбаатар Лүндэг ‏@Naranbaatarl 

• 2000 онд ОХУ-ын Ерөнхийлөгч В.Путин эх оронд нь тагнуул хийсэн хэргээр яллагдсан АНУ-ын иргэн Э.Поупд уучлал үзүүлж байжээ.

Баттөмөрийн ЭНХБАЯР ‏@Enkhbayar_bat  

• Шүүгч: За, энэ гадаад нөхөрт тохирсон ялыг нь өгнө өө, монголын хууль ямрыг харуулна... гээд бодтол Ерөнхийлөгч өршөөв. Шүүгч: Өөө, сдаа юма

Д.ТҮВШИНТӨР ‏@DeTuvshintur  

• Уучлал:Улс төрчийн хувьд өөртөө гал дуудсан шийдвэр мөн үү мөн. Гэхдээ монголоо арай эрт хайрлах боломж байсан уу байсан.

БАТ ИНЖЕНЕР ‏@batengineer 

• АНУ өөрийн иргэний асуудлыг чухалд тооцож шоронгоос авч чадлаа. Манай улс хэзээ нэгж иргэнийхээ асуудалд нухацтай хандах бол?

Батжаргал ‏@ebatjargal_16  

• Яаж ч бодсон эх орныхоо нэр хүндийг бодож шийдвэр гаргасан Ерөнхийлөгчөөрөө бахархаж байна. Эх оронч үйлдэл болсон байхаа.

Bilguun ‏@bilguun_a  

• Газар шорооныхоо төлөө явсан эднийг өршөөгөөгүй Ц.Элбэгдорж Монголын эсрэг явсан гадныхныг өршөөж байна. Нүдний булай.

Batsaikhan B ‏@BatsaikhanBSU 

• За тэгээд уулчлал үзүүлээгүйсэн бол манайд ирж бизнес хийх хүн олдохоо болино. Ер нь хувийн хэвшилд зориулж DEREGULATIOIN хийх хэрэгтэй шүү.

Д.Энхбаяр(Өнжүүл) ‏@enkhbayar_d  

• За алуурчин, хулгайч, дээрэмчин тонуулч нараа! гэмт үйлээ хүлээн зөвшөөрч уучлал хүсээд байгаарай.

МАЗААЛАЙ✌️ ‏@mazaalaimaaz  

• Шүүхийн шийдвэр нь гараад сар ч болоогүй нөхдийг Ерөнхийлөгч шууд уучилсан нь Монголын шүүх засаглалыг зүгээр л доромжлоод хаясанаас өөрцгүй.

Мөнхнаран ‏@Mona_Tb  

• ГХО хэрэгтэй байгаа энэ үед Ерөнхийлөгчийн уучлал зөв алхам аа.. Хөрөнгө оруулагч нарт ч дохио болог.. 35 тэрбумаа шүүхийн журмаар авах нь мэдээж..

Н. Ганболд ‏@ganboldit  

• Уучлал үзүүлэв: Анхнаасаа их эргэлзээтэй, баталгаа нотолгоо муутай үндэслэлээр шүүх яаруу давчуу шүүцэнэ л дээ..

Tsogt Byambatseren ‏@tsogt_tsogt  

• @elbegdorj Чи одоо Мөнхбаярыг сулла. Би шаардаж байна...

Дашзэвэг Ганхуяг ‏@sudlaachganaa  

• Ер нь хэдүүлээ аливаа хэргийг сошиал сүлжээгээрээ хэлэлцүүлж байгаа л Ерөнхийлөгч уучилах эсэхээ шийддэг болчуул сүртэй бөгөөд шударга юм биш үү.

Билгүүн ‏@Gumpaa 

• Жастин Каплаг Эбэ уучилчихлаа. Хоёр хүний аминд хүрсэн гээд байгаа Бямбасүрэн авгайг бас уучилсан. Чаргаар санаандгүй хүн дайрсан хүүг уучилмаар.

ГАНЖИЙ ‏@gan_jii  

• УУЧЛАЛ нь ялыг хөнгөлөх буюу ялаас бүрмөсөн чөлөөлөх гэсэн хэлбэртэй байдаг ба улс орнуудын хувьд ихэнхдээ улс төрийн шалтгаантай хэрэглэдэг.

Баттөмөрийн ЭНХБАЯР ‏@Enkhbayar_bat  

• Монголд орж ирж баялгийг ухчихаад л татварыг нь төлөхгүй нуугаад л эцэст нь #Уучлал хүртээд л...

Batbayasgalan.J ‏@Batbayasgalan  

• Одоо уучлах ч хүн их байгаа байхдаа уучлаад байгаа Ээбээгээ хэдүүлээ уучилчих уу.

Монгол Ө.Мөнхбат ‏@01mgl  

• Шудрага царайлсан Эх орончийн жинхэнэ төрх. Цагтаа жагсана, бархирна, ярина, өлсөнө. Харин одоо бол тэр дарга.

Ganhuyag Ch. Hutagt ‏@ganhuyag

• "Орос шиг л бай л даа" гэдэг үг "Эби шиг л бай л даа" -р солигджээ. . Байрны мөнгөө өгөөгүй хэд хонож бна. Уучилчихдаггүйн байхдаа.

Сартуулхан ‏@sartuulhan  

• Жастин Каплад уучлал үзүүллээ гээд: Гадны Хөрөнгө оруулалт татах биш . Татвараас зугтсан ч ялгүй өнгөрдөг жишиг тогтох вий.

ГАНЖИЙ ‏@gan_jii  

• Монголдоо хайртай болохоор Монголоос хулгайлагчыг уучиллаа!Монголдоо хайртай болохоор Монголын хуулийг нулимлаа!

ЧинжYY ‏@ChinzorigP

• Хэд хоноод доллар 2000₮ хүрэх үед Монгол банкны ерөнхийлөгчийг Эби ерөнхийлөгч уучлах хэрэгтэй. Харин Золоо буруугаа хүлээх бол уу яах бол?

БАТ ИНЖЕНЕР ‏@batengineer