Барак Обама, Мишель Обама нарын хайрын түүх гэрэл зурагт

АНУ-ын 44 дэх ерөнхийлөгчийн албыг найман жилийн хугацаанд хашсан Барак Обама нь улсынхаа түүхэнд хамгийн анхны хар арьст ерөнхийлөгч хэмээх тодотголтойгоор гарч ирсэн билээ. Обамагийн найман жилийн ерөнхийлөгчийн алба түүнээс өмнөх улс төрчийн албан тушаал хаших бүх цаг үед хайрт гэргий Мишель Обамагийн хөдөлмөр зүтгэл байсаар ирсэн. Барак Обама хэзээ ямагт эхнэрийнхээ дэмжлэгийг мартаж байсангүй, эхнэрээ үргэлж магтан, зүтгэлийг нь мартсан нэгэнд сануулсаар ирсэн юм. 

Тэрбээр ерөнхийлөгчийн хувиар хамгийн сүүлд үг хэлэхдээ 25 жил ээж, эхнэр, тэргүүн хатагтайн үүргийг нэр төртэйгөөр гүйцэтгэж ирсэн гэргий Мишель Обамад хандан нулимс дуслуулан сэтгэлийн үгээ хэлсэн байна. “Чи бол миний төдийгүй Америк орны бахархал” хэмээсэн Барак болон Мишель нарын хайрын түүхийг гэрэл зурагт өгүүлье. Ерөнхийлөгч Барак Обамагийн эхнэртээ хандан хэлсэн хамгийн сайхан үг бол “Мишель Обаматай хувь заяагаа холбосон би ямар  азтай эр вэ”...

Сүйт бүсгүй Мишелийн хамтаар 1992 он

Хосууд хуримын өдрөөрөө 1992 он

Барак, Мишель Обама нар Чикаго хот дахь гэртээ. Нэгэн арга хэмжээнд очих гэж хувцаслаж буй нь 2004 он

Охидоо тэвэрсэн Барак, Мишель нар 2004 он

Хосууд Нью Йорк хотод Брюс Спрингстин, Билли Жоел нарын тоглолтыг үзэж суугаа нь 2008 он

Цагаан ордонд хосууд хамгаалагч албаны хүмүүсийг ч үл тоон “эрхлэлдэж” буй нь 2009 он

Цагаан ордонд болсон арга хэмжээний үеэр бүжиглэж буй хосууд 2010 он

Цагаан ордны дээвэр дээрээс галын наадмыг үзэж буй хосууд 2010 он

АНУ-ын эрэгтэйчүүдийн сагсан бөмбөгийн баг Бразилийн багтай тоглож буй тоглолтын үеэр тэднийг “Kiss Cam” онцолжээ. Камерт өртсөн хосууд заавал үнсэлцэх ёстой бичигдээгүй дүрэмтэй.

Тэргүүн хатагтай Мишель Обама албан ажлаар явсан эр нөхрөө онгоцноос тосч буй нь

Цагаан ордон. Шинэ жилийн үйл ажиллагаанд оролцохоор ерөнхийлөгч тэргүүн хатагтайн хамтаар шатаар доош бууж байна. 2012 он

БНХАУ-ын дарга Си Зинь Пин түүний гэргийг хүлээж авахаар зогсохдоо нөхрийнхөө зангиаг засч буй тэргүүн хатагтай Мишель Обама

И.МӨНХЦЭНГЭЛ