SUN MEDICAL ЗӨВЛӨЖ БАЙНА | Хөхний хавдрыг эрт илрүүлэх боломжтой

Админ | Zindaa.mn
2021 оны 05 сарын 13

"SUN MEDICAL center Ulaanbaatar" буюу "Сон Медикал Центр Улаанбаатар" эмнэлэг, Zindaa.mn сайт хамтран эрүүл мэндийн зөвлөмжүүдийг уншигч та бүхэнд цувралаар хүргэж байна.


ХАВДРЫН ИЛРҮҮЛЭГ ЭМЭГТЭЙ ТАНЫ АМЬДРАЛЫГ АВАРНА

Хөхний хавдраас сэргийлье

ХӨХНИЙ ХАВДРЫГ ЭРТ ИЛРҮҮЛЭХ БОЛОМЖТОЙ

Хөхөө шалгаж сурах нь эмэгтэйчүүдэд маш хэрэгтэй. Аль ч насны эмэгтэйчүүд хөхний хавдраар өвдөж болохоос гадна хөхний хавдрын өвчлөл нэмэгдэж байгаа учир хөхөндөө үзлэг хийж сурснаар эмгэгийг эрт илрүүлж, зохих тусламж авч чадах онцгой ач холбогдолтой. Сар бүр хөхөө шалгаж хэвшвэл ямар нэгэн өөрчлөлт гарсныг хялбархан мэдэж болно. Сарын тэмдэг дууссаны дараахи хоёроос гурав хоногт хөх зөөлөрч, хэвийн байдалдаа орсон байдаг тул энэ үед хөхөө шалгахад хялбар байдаг.

 

  1. Цээжээ нүцгэлээд толинд харна. Гараа унжуулж, хөхөн дээр овойж, хонхойсон, эсвэл арьс нь ямар нэг байдлаар өөрчлөгдсөн хэсэг байгаа эсэхийг хар. Толины өмнө зогссон хэвээр хоёр гараа толгойныхоо ард авна. Овойж, хонхойсон, арьс нь ямар нэг байдлаар өөрчлөгдсөн хэсэг байгаа эсэхийг дахин ажиглаж, өмнөх сарын байдалтай харьцуулна. Хоёр гараа ташаандаа авна. Мөр, далаа урагшлуулж ямар нэг өөрчлөлт байгаа эсэхийг дахин шалгана.

 

  1. Хоёр хөхний толгойг ээлжлэн зөөлөн чимхэж шахан, ямар нэгэн шингэн зүйл гарч байгаа эсэхийг үз.

 

  1. Зүүн гараа толгойныхоо ард авна. Баруун гарын 2, 3, 4-р хуруугаар зүүн талын хөхийг зөөлөн, дараа нь арай чанга тэмтэрч ямар нэг зангилаа /Бэрсүү/ байгаа эсэхийг шалгана.

Хоёр хөхний хоорондын болон хөх, суганы хонхор хоорондын зайг шалгана.

 

  1. Хурууны өндгөөр хөхний товчийг тойруулан тойрог,шулуун шугамаар, эсвэл од маягаар төвөөс зах руу гурван чиглэлийн аль нэгийг сонгож, иллэг хийх байдлаар шалгана.

 

 

  1. Хэрэв хангалттай шалгасан гэж үзвэл нөгөө хөхөө дээрхи дарааллын дагуу шалгана.

 

 

Хэрэв хөхөнд дараахи өөрчлөлт гарвал эмчид хандаарай:

  • Бэрсүү тэмтрэгдвэл
  • Аль нэг хэсгийн хэлбэр өөрчлөгдөж, арьс хонхойж, татагдсан байвал
  • Цусархаг, идээрхэг ялгадас гарч байвал
  • Арьсны өнгө өөрчлөгдөж, хавдсан байвал
  • Арьс улайж өөрчлөгдвөл

Санамж:

  • Хөхөө өөрөө тогтмол шалгаж байх
  • Хөхөө өөрөө шалгадаг байсан ч жилд 1 удаа мэргэжлийн эмчээр шалгуулж байх

Ойрын хамаатнуудад хөхний хавдраар өвчилсөн хүн байсан бол эмчдээ хэлж, зөвлөгөө авах.

 

Facebook page : Sun medical center UB

Ажиллах цагийн хуваарь :

08:30-16:30 Даваа- Баасан,

09:00-14:00 Бямба

Утас: 7777-7500, 8882-7500

Хаяг: ХУД 7-р хороо, Яармаг

e-mail : [email protected]

Top