SUN MEDICAL ЗӨВЛӨЖ БАЙНА | Тархины харвалт гэж юу вэ?

2021 оны 05 сарын 27

"SUN MEDICAL center Ulaanbaatar" буюу "Сон Медикал Центр Улаанбаатар" эмнэлэг, Zindaa.mn сайт хамтран эрүүл мэндийн зөвлөмжүүдийг уншигч та бүхэнд цувралаар хүргэж байна.

Энэ удаад тархины харвалтын талаар мэдээллийг бэлтгэлээ.


ТАРХИНЫ ХАРВАЛТ ГЭЖ ЮУ ВЭ?

ДЭМБ-ын статистикийн мэдээгээр жил бүр дэлхийн хэмжээнд 15 сая хүн тархины харвалтаар өвчилж байгаагийн 5 сая нь нас барж, үлдсэн 10 сая хүн нь хөгжлийн бэрхшээлтэй болон үлдэж байна гэсэн судалгаа байдаг. Дэлхийд тархины харвалтын тоо 100.000 хүн амд 100-300 тохиолдол бүртгэгддэг бол манай улсын хувьд жил бүр 100.000 хүн амд 290 тохиолдол бүртгэгдэж байгаа нь тархины харвалт өндөр өвчлөлтэй орны тоонд хамаарагдаж байна.

Тархины харвалтыг үүсч буй янзаар нь:

  • Цус хомсрох харвалт
  • Цус хурах харвалт гэж 2 хуваадаг.

Цус хомсрох харвалт буюу Тархины шигдээс ( Ischemic Stroke):

Тархины судсанд ямарваа нэг зүйлээс шалтгаалан цусны эргэлт эрс саатсанаас цус хомсрох харвалт үүсдэг.

Тархины шигдээс үүсгэж буй шалтгаанууд:

  • Тархины судасны хатуурал
  • Артерийн дараалт ихсэлттэй холбоотой судасны өөрчлөлт
  • Зүрхний эмгэгүүд
  • Чихрийн шижингийн шалтгаант судасны эмгэгүүд
  • Халдвар-харшлын шалтгаант судасны үрэвсэл зэрэг эдгээр өвчлөлүүдийн суурин дээр үүсдэг.

Цус хурах харвалт буюу тархины цус харвалт (Hemorrhagic stroke):

Тархины судас хагарсны улмаас тархины бор, цагаан бодисын дотор цусан хураа үүсэхийг хэлнэ. Ингэснээр цус тархины эдэд даралт өгч гэмтээдэг.

Тархины цус харвалтыг үүсгэж буй шалтгаануудад:

  • Артерийн даралт ихсэх өвчин
  • Судасны төрөлхийн болон олдмол гажгууд
  • Судасны эмгэгүүд
  • Цусны өвчнүүд зэргээс шалтгаалан тархины судас хагаран цусан хураа үүсэх нөхцөлийг бүрдүүлдэг.

 

ТАРХИНЫ ХАРВАЛТЫГ ХЭРХЭН ТАНИХ ВЭ?

Хэрвээ таны аав, ээж, эмээ, өвөө, ах эгч, ойр дотны чинь хүмүүст доорх шинж тэмдэгүүд илэрвэл яаралтай эмнэлэгт хандана уу?

F face - нүүрний хэм өөрчлөгдөх, аль нэг тал нь суларч унжих

A arms - аль нэг талын гар, хөл сурах.

S speech - хэл яриа өөрчлөгдөх, дультрах, хэл яриа ээдрэх.

T time- цаг алдалгүй яаралтай эмнэлгийн байгууллагад ханд. /iimerhuu zurag emnelgiinhee logonii ongoor uusgaad hiivel deer baihaa/

 

Facebook page : Sun medical center UB

Ажиллах цагийн хуваарь :

08:30-16:30 Даваа- Баасан,

09:00-14:00 Бямба

Утас: 7777-7500, 8882-7500

Хаяг: ХУД 7-р хороо, Яармаг

e-mail : [email protected]

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top