Гран При Ярыгин: Өнөөдрийн хуваарь

2022 оны 01 сарын 28

Энэ сарын 26-30-нд ОХУ-ын Красноярск хотод чөлөөт бөхийн Гран-при Иван Ярыгин тэмцээн явагдаж байна. Өнөөдөр эрэгтэй 65, 79, 125 кг, эмэгтэй 53, 57, 62 кг-ын барилдаанууд эхлэнэ.

Нэгдүгээр сарын 28
 

  • 09:15 - 09:30  2 дахь жин: Эрэгтэй 57, 61, 70 кг, эмэгтэй 50, 55, 59, 65 кг.
  • 09:30 - 10:00 Эмнэлгийн үзлэг, жин: Эрэгтэй 65, 79, 125 кг, эмэгтэй 53, 57, 62 кг.
  • 12:00 - Дагах барилдаан: Эрэгтэй 57, 61, 70 кг, эмэгтэй 50, 55, 59, 65 кг.
  • Урьдчилсан болон хагас шигшээ барилдаан: Эрэгтэй 65, 79, 125 кг, эмэгтэй 53, 57, 62 кг.
  • 18:30 - Нээлтийн ёслол
  • 19:15 - Медалийн төлөөх барилдаан: Эрэгтэй 57, 61, 70 кг, эмэгтэй 50, 55, 59, 65 кг.
  • 20:15 - Шагнал гардуулах ёслол

Өчигдөр эрэгтэйчүүдийн 57, 61, 70, эмэгтэйчүүдийн 50, 55, 59, 65 кг-ын жингийн урьдчилсан болон хагас шигшээ барилдаан болж, эмэгтэйчүүдийн 50 кг-ын жинд “Осло-2021” ДАШТ-ий хүрэл медальт ОУХМ Д.Отгонжаргал, 55 кг-д “Будапешт-2013” ДАШТ-ий мөнгөн медальт ОУХМ Э.Сумъяа нар хүрэл медалийн төлөө барилдахаар болсон. 19.15 цагаас эхлэнэ.

Эрэгтэйчүүдийн 57 кг-д Азийн АШТ-ий мөнгөн медальт З.Занабазар, эмэгтэйчүүдийн 50 кг-д өсвөр үе, залуучуудын ДАШТ-ий хүрэл медальт ОУХМ М.Мөнхгэрэл, 55 кг-д өсвөр үеийн Азийн аварга Б.Марал, 59 кг-д “Будапешт-2018”, “Нур-Султан-2019”, “Осло-2021” ДАШТ-ий хүрэл медальт, “Аврагч” спорт хорооны тамирчин ОУХМ Б.Шоовдор, 65 кг-д 2021 оны Азийн аварга ОУХМ З.Болортунгалаг нар 12.00 цагаас дагах барилдаан хийнэ.

Финалын барилдаан
 

Эрэгтэй

57 кг. Ахмед Идрисов - Рамиз Гамзатов

61 кг. Федор Балтуев - Абасгаджи Магомедов

70 кг. Виктор Рассадин - Анзор Закуев

Эмэгтэй

50 кг.  Анжелика Федорова - Надежда Соколова (хоёул ОХУ)

55 кг.  Екатерина Исакова  - Ирина Ологонова (хоёул ОХУ)

59 кг.  Жаргалма Цыремпилова (ОХУ) - Татьяна Колесник (Азербайжан)

65 кг.  Форрест Молинари - Эмма Патрисия Брунтил (хоёул АНУ)

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top