1950-1953 оны үед болсон Солонгосын дайныг "Мартагдсан дайн" хэмээн нэрлэх нь бий. Тус дайнд оролцсон цэргүүд өдгөө 80-90 насыг зооглож буй бөгөөд мартагдсан дайны гэрч болсон тэдний хөргийг гэрэл зургийн хальсанд мөнхлөн үлдээх ажлыг гэрэл зурагчин Хюүн Хо Жэ санаачлан хийжээ.
Тэрбээр хэлэхдээ "Тэдний хүсэж буй зүйл бол манай газар нутагт тулалдаж байснаа эргэн санах явдал байсан. Тэд мартагдсан түүх шиг л амьдралаа өнгөрөөсөн. Тиймээс хэн нэгэн тэднийг хүлээн зөвшөөрч, түүхэн хуудаснаа мөнхлөх ажилд оролцож байгаадаа баяртай байна" хэмээн өөрийн санаачилсан төслийн талаарх сэтгэгдлээ хуваалцжээ.
Сэтгэгдэл ( 0 )