Викториа Бекхэм 25 жилийн турш НЭГ ТӨРЛИЙН хоол иджээ

"Spice Girls" хамтлагийн гишүүн Викториа Бекхэм 25 жилийн турш ердөө нэг л хоолоо идэж байгаа тухай түүний нөхөр Дэвид Бекхэм ярьжээ. 

Тэрээр хэлэхдээ "Тэр зөвхөн шарсан загас, жигнэж болгосон ногоо л иддэг. Өөр сонголт хийнэ гэдэг тун ховор. Тэр тавган дээрх зүйлээс минь хуваалцаж байсан цор ганц тохиолдол нь Харперийг тээж байсан үе нь юм. Үнэхээр гайхалтай. Тэр үдэш миний хамгийн дуртай үдэш. Тэнд яг юу байсныг нь санахгүй байгаа ч тэр дахиж хэзээ ч иддэгээсээ өөр зүйл идээгүй гэдгийг мэдэж байна.

Би амттай хоол, дарсанд их дуртай. Ямар нэгэн сайхан амттан идэж байхдаа хэн нэгэн үүнийг туршиж үзээсэй гэж байнга хүсдэг. Харамсалтай нь би сүүлийн 25 жилийн турш зөвхөн нэг л төрлийн хоол идэж байгаа эмэгтэйтэй гэрлэсэн. Тэр шарсан загас, жигнэсэн ногооноосоо холдох нь тун ховор" хэмээн "River cafe Table 4" подкастад оролцох үеэрээ дурджээ.

Түүний хоолонд ямар ч  төрлийн тос болон соус ордоггүй гэнэ. Энэхүү хатуу гэж хэлж болохуйц хоолны дэглэм нь түүний гоолиг биеийн нууц ч байж мэднэ.