Брэд Питт Анжелина Жолиг шүүхэд өгчээ

Жүжигчин Брэд Питт экс эхнэр Анжелина Жолиг үл хөдлөхтэй холбоотой асуудлаар шүүхэд өгчээ. Франц улс дахь тэдний эдлэн газрыг Анжелина Жоли Оросын бизнесмэн Юрий Шефлерт зөвшөөрөлгүй зарсан бөгөөд түүнийг Лос Анжелесийн дээд шүүхэд өгсөн аж. 

35 өрөө бүхий энэхүү тансаг зэрэглэлийн харш нь усан оргилуур, цөөрөм, сүм хийд, усан үзмийн талбай бүхий өтгөн цэцэрлэгт хүрээлэнгээр хүрээлэгдсэн бөгөөд түүнийг худалдаж авахад Питт их хэмжээний хөрөнгө зарсан хэмээн мэдүүлсэн байна.

Тэд уг харшыг худалдан авахдаа хэн нэгнийх нь зөвшөөрөлгүйгээр худалдахгүй хэмээн тохиролцжээ. Хүүхдүүдээ тэнд өсгөж, гэр бүлийн дарсны бизнес эрхлэхээр тохиролцон 2008 онд уг харшийг 28.4 сая ам. доллараар худалдан авч байсан аж. 

2019 онд гэрлэлтээ цуцлуулсан тэд хүүхдийн тэтгэмж болон их хэмжээний хөрөнгөтэй холбоотой шүүхийн маргаантай хэвээр байна.