Солонгосын тамирчны БОХИР өрсөлдөөний тухай ХЯТАД кино цацагджээ

Өвлийн олимпын шорт-трекийн төрөл багагүй маргаан дагуулсан. Хятадын тамирчин Унгарын тамирчныг түлхэн замаасаа холдуулсан.

Мөн Өмнөд Солонгосын тамирчныг шударга бус шүүсэн, урдаа яваа тамирчны замд санаатайгаар саад учруулсан зэрэг шүүмжлэлд өртөөд байсан Хятад улс бохир өрсөлдөөний тухай кино бүтээжээ. 

(Зураг. Киноны постер)
 

"Fly, Skating Star" нэртэй тус кино 2022 оны хоёрдугаар сарын 12-ны өдөр нээлтээ хийжээ. Хятадын хөдөө тосгоноос төрөн гарсан тамирчин олон төрлийн саад бартааг даван шорт-трекийн үндэсний шигшээ багийн тамирчин болно.

Олон улсын тэмцээний үед Өмнөд Солонгосын тамирчин дүрэм зөрчин түүний замд санаатайгаар саад учруулан, тэшүүрийн ирээр нүдийг нь гэмтээж буй үзэгдэл тус кинонд гардаг аж. 

(Зураг. Хятадын тамирчин Унгар улсын тамирчинг түлхэн замаасаа холдуулсан ч алтан медаль хүртсэн)
 

Энэхүү киног олимпын үеэр, олон маргааны дараа ийнхүү дэлхий нийтэд цацаж байгаа нь Хятад улс Солонгосын эсрэг хийж буй санаатай үйлдэл хэмээн үзэж буйгаа Солонгос улсын иргэд мэдэгджээ.

Олимпын үеэр Солонгос улсын үндэсний хувцас болох Ханбугийг өөрийн үндэсний хувцас мэтээр дэлхий нийтэд зарласан нь ч мөн багагүй шуугиан дэгдээсэн. Үүний хариуд Солонгост "Anti China" хөдөлгөөн өрнөсөн бол Бээжинд хийсэн тус кино энэхүү үйлдлийнх нь хариу байж ч мэдэх гэнэ. 

(Бичлэг. Хятадын тамирчин урдаа яваа тамирчны зүг замын тэмдэглэгээг шидэж буй нь)

(Бичлэг. "Fly, Skating Star" киноны тухай)