Шид нь бүрдсэн Young Mo'G

Сүүлийн үед гаргасан уран бүтээл бүр нь хит болж буй залуу дуучин Young Mo'G өнгөрөгч бямба гарагт зохион байгуулагдсан Lumino болон Татар хамтлагуудын хамтарсан "The Best" тоглолтод quest artist-аар оролцлоо. 

Ирэх жилийн наадмын нээлтийн үеэр түүний "Naadii" дууг дуулуулах хүсэлтэй байгаагаа илэрхийлсэн хүмүүс олон бий. Чанартай уран бүтээлүүдээрээ сонсогчдынхоо сонорыг мялааж буй тэрээр хамгийн анх 2017 онд "Chocolаte Milk" хэмээх дуугаа дуучин Энхлэнтэй хамтран гаргаж байсан. 

Хэмнэл, хэв маягаараа залуусыг байлдан дагуулж буй тэрээр чамгүй сайн бүжигчин. Мөн гэрэл зураг, видео эвлүүлэг, дууны микс мастер зэрэг нарийн мэдрэмж шаардсан ажилд гарамгай учир чанартай уран бүтээлүүд туурвих нь гарцаагүй.