Дагавар охиноо хүчирхийлсэн Вьетнам иргэнд 14 жилийн ял оноолоо

Б.Гантуяа | Zindaa.mn
2022 оны 12 сарын 20

Гадаад улсын иргэн Тан нь олон удаагийн үйлдлээр өөрийн дагавар хүүхэд болох 11 настай охиныг хүчиндсэн гэмт хэрэгт холбогдуулан прокуророос яллах дүгнэлт үйлдэж хэргийг шүүхэд шилжүүлжээ. 

Хэрэгт авагдсан баримтуудаар, шүүгдэгч Тан нь анх 2012 онд “хөдөлмөр эрхлэгч” ангиллаар, 2019 оныг хүртэл Монгол Улсад оршин суух зөвшөөрөлтэйгээр орж ирсэн, 2019 оноос хойш оршин суух зөвшөөрөлгүй буюу Монгол Улсын нутаг дэвсгэрт хууль бусаар оршин суусан, энэ хугацаанд Монгол Улсын иргэн Д-тэй хамтран амьдарч, дундаасаа хоёр хүүхэдтэй болсон, мөн авто засварын газар ажиллуулдаг байжээ. 

Түүнчлэн, Тан нь “өрх гэрийн амьжиргааг авч явдаг” гэдгээр шалтаглан өөрийн дагавар охин болох бага насны хүүхдийг хүчээр бэлгийн харьцаанд орохыг тулгаж, хохирогчтой бэлгийн харьцаанд ордог байсан ба шүүхийн хэлэлцүүлэгт тэрээр гэм буруугаа хүлээн зөвшөөрч байна гэж мэдүүлсэн байна.

Эрүүгийн хуульд бага насны буюу 14 хүртэлх насны хүүхэдтэй бэлгийн харьцаанд орсон бол 12-20 жил хүртэл хугацаагаар, эсхүл бүх насаар хорих ял шийтгэхээр заасан.  

Шүүхээс гадаад улсын иргэн Тан-ыг үргэлжилсэн үйлдлээр хүчиндэх гэмт хэргийг бага насны хүүхдийн эсрэг үйлдсэн гэм буруутайд тооцож, 14 жилийн хугацаагаар хорих ял шийтгэж, уг ялыг хаалттай хорих байгууллагад эдлүүлэхээр шийдвэрлэв. 

Түүнчлэн, энэ гэмт хэргийн хохирогч нь энэ гэмт хэргийн улмаас сэтгэл санаа, эрүүл мэндийн хувьд хүнд хохирол амсаж, цаашид эмчилгээ хийлгэх шаардлага үүссэн тул хохирогчийн хууль ёсны төлөөлөгчөөс холбогдох зардлаа гэм буруутай этгээдээс жич нэхэмжлэх эрхийг нь нээлттэй үлдээсэн байна.

Сэтгэгдэл ( 9 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Аз (66.181.161.101)  2023 оны 09 сарын 20

Өөрөө заваарч, халтар цаасанд шунаж амьдралаа алдаж байна.

1  |  0
No (46.114.152.182)  2023 оны 09 сарын 20

Эх нь гэж балиар хүн. Ийм сэжгийн хүмүүс үржиж үр хүүхэд нь хар багаасаа муухай зовлон үзэж өсч байна

2  |  0
цэцгээ (66.181.180.253)  2023 оны 09 сарын 20

14 жил бага бна нялх охин том болох тусамаа насан туршдаа сэтгэлийн том шархтай шаналах нь бна шдээ

1  |  0
Уншигч (64.119.23.3)  2022 оны 12 сарын 21

Шоронгийн засварын газар нээгээд үнэгүй ажиллаад, удахгүй гарна байх оо.

1  |  0
Зочин (203.91.118.150)  2022 оны 12 сарын 20

Даанч яав даа. Даварсан хулгайычыг алаад өгнө биз манайхан.

2  |  0
зочин (66.181.161.125)  2023 оны 09 сарын 20

Tэр эхэд нь бас ял өг... Mөнгөний төлөө 11 настай охиноо хүчиндүүлчээд нүдэн балай чихэн дүлий царайлж байсан монгол гичий...\n

12  |  0
zochin (73.111.180.213)  2023 оны 09 сарын 20

shorond estoi amytan bolgooroi

4  |  0
 (139.5.217.253)  2023 оны 09 сарын 20

teneg mongoluud tenegteed baijde huurhii

3  |  0
zochin (202.21.127.136)  2023 оны 09 сарын 20

sejgiin be 11 geh nastai ohinoo huchinduuleed suuj baidag mal eh be

7  |  0
Top