Ахлах сувилагч, алсын дуудлагын жолооч нарыг төрийн одонгоор шагналаа

Улсын баяр наадмыг тохиолдуулан хөдөлмөр бүтээлээ үнэлүүлж, төрийн дээд одон медаль хүртэж буй салбар салбарын манлайлагчдаас Гэмтэл согог судлалын үндэсний төвийн Хавсарсан гэмтлийн тасгийн ахлах сувилагч Н.Энхцэцэг “Алтан гадас” одон, Аж ахуй хангамж үйлчилгээний албаны жолооч И.Сүхбат Монгол Улсын Засгийн газрын “Хүндэт өргөмжлөл” гардлаа.
 

Төрийн дээд одон медаль “Алтан гадас” одонгоор энгэрээ мялаасан ахлах сувилагч Н.Энхцэцэг нь ГССҮТ-д 1995 оноос хойш 28 дахь жилдээ ажиллаж байгаа Эрүүл мэндийн боловсролын ухааны магистр, тэргүүлэх зэргийн сувилагч бол, түргэн тусламжийн жолооч И.Сүхбат нь улсын хэмжээнд 21 аймаг, сумдын эмнэлгийн алсын дуудлагад жилд 10-15 удаагийн давтамж, нийслэлийн хэмжээнд өдөрт 8-10 дуудлага буюу жилд 58.0-60.0 км замыг туулж, ард иргэдэд эрүүл мэндийн тусламж үйлчилгээг түргэн шуурхай хүргэж яваа мэргэшсэн албан хаагч юм.