“Энхсаран”, “Тунамалмед” ХХК-ийн гэрээг цуцалжээ

Эрүүл мэндийн даатгалын ерөнхий газраас зарим гэрээт эрүүл мэндийн байгууллагуудын эрүүл мэндийн тусламж, үйлчилгээ худалдан авах гэрээг цуцалжээ. 

"Энхсаран" ХХК, "Тунамалмед" ХХК-иас  эрүүл мэндийн тусламж, үйлчилгээ худалдан авах гэрээг  цуцлуулахаар ирүүлсэн хүсэлтийн дагуу хэлцэл зохион байгууллаа.

Хэлцлийн дүнд Эрүүл мэндийн даатгалын ерөнхий газартай байгуулсан, "Тунамал мед" ХХК-ийн "Тунамал" эмийн сангийн  “Даатгуулагчдад эмийн  үнийн хөнгөлөлт үзүүлэх тусламж, үйлчилгээг худалдан авах” гэрээг 2023 оны 07 дугаар сарын 01-ний өдрөөс, "Энхсаран" ХХК-ийн сувиллын  “Эрүүл мэндийн тусламж үйлчилгээг худалдан авах”  гэрээг 2023 оны 08 дугаар сарын 01-ний өдрөөс  цуцалж, дуусгавар болголоо. 

Мөн Баян-Өлгий аймгийн зарим эмийн сантай байгуулсан гэрээг түр түдгэлзүүллээ

Эрүүл мэндийн чиглэлээр мэргэжлийн үйл ажиллагаа эрхлэх тусгай зөвшөөрөл олгох Баян өлгий аймгийн комиссийн  2023 оны  07 дугаар сарын 07-ны өдрийн хурлын шийдвэрээр Эмийн санд тавих нийтлэг шаардлага MNS 5260:2015 стандартын шаардлага хангаагүй тус аймгийн "Хашаатын цагаан чулуут" ХХК-ийн "Тод фарм", "Дөрвөн эрдэнэ фарм" ХХК-ийн "Био фарм", "Баян Өлгий хангамж" ХХК-ийн "МЭИК" эмийн сангуудын тусгай зөвшөөрлийг 3 сарын хугацаагаар түдгэлзүүлсэн тул нэр бүхий эмийн сангуудтай байгуулсан даатгуулагчдад эмийн үнийн хөнгөлөлт үзүүлэх тусламж, үйлчилгээг худалдан авах гэрээг уг хугацаагаар түр түдгэлзүүлжээ.