Зам тээврийн ноцтой осол гарч, дөрвөн хүн амь насаа алджээ

Өчигдөр буюу арваннэгдүгээр сарын 23-ны өдөр Дорнод аймагт автомашины ноцтой осол гарч гурван хүн гэмтэж, дөрвөн хүн шатаж амь насаа алджээ.

Энэ хэргийн талаар албаны эх сурвалжаас тодруулахад “Цагдаагийн байгууллагад 2024 оны 11 сарын 23-ны өдрийн 21:10 цагийн орчимд Дорнод аймгийн Булган сумын нутаг Чулуут гэх газарт 2 машин мөргөлдсөн байна гэх дуудлага мэдээлэл бүртгэгдсэн байна. Мэдээллийн дагуу Осол болсон газарт шуурхай очиж шалгалтын ажиллагаа явуулахад Mitsubishi l-200 маркийн тээврийн хэрэгслийн жолооч нь Ford F 150 маркийн тээврийн хэрэгсэлтэй мөргөлдөж улмаар Ford F 150 маркийн тээврийн хэрэгсэл шатсан байна. Ослын улмаас нийт мөргөлдсөн тээврийн хэрэгслүүдэд зорчиж явсан 7 хүн нас барсан, 1 хүн эмнэлэгийн байгууллагын тусламж авч эмчлүүлж байна. Одоогоор нас барсан 4 иргэний хэн болохыг тогтоохоор харьяа цагдаагийн газраас шалгалтын ажиллагааг үргэлжлүүлж байна” гэлээ.