“Улаан тууз”эмнэлэг үнэ төлбөргүй шинжилгээ хийж байна

Жил бүрийн 12 дугаар сарын 1-ний өдрийг “Дэлхий нийтээр ХДХВ/ДОХ-ын асуудалд анхаарлаа хандуулах өдөр” болгон зарласнаас хойш 20 гаруй жилийн хугацаа өнгөрчээ.  Энэхүү өдөр дэлхий нийтээрээ ХДХВ/ДОХ-ын асуудлаар нэгдэж, ХДХВ-ын халдвар авсан болон ДОХ-той хүмүүст дэмжлэг үзүүлэх, энэхүү өвчний улмаас хорвоог орхисон ойр дотныхоо хүмүүсийг санан дурсаж өнгөрүүлдэг билээ.

ХДХВ-ын халдвараас өөрийгөө болон дотны хүнээ сэргийлэх хамгийн эхний алхам бол вирусын халдвар аваагүй гэдгээ баталгаажуулах явдал юм. ХДХВ-ын шинжилгээг Халдварт өвчин судлалын үндэсний төвийн “Улаан тууз” эмнэлэгт өнөөдөр үнэ төлбөргүй хийж байгаа аж. Мөн вирусын халдвараас сэргийлэх талаар мэдээлэл авч болох юм байна.

Г.Энхтуяа