Ц.Пүрэвдоржийн нэрэмжит уралдаанд О.Хүрэлбаатар, Б.Энхнаран нар түрүүллээ

Хөдөлмөрийн баатар, ардын жүжигчин Ц.Пүрэвдоржийн нэрэмжит ари, романс дуулаачдын улсын IV уралдааны эцсийн шалгаруулалт боллоо. Сүүлийн шатанд тунаж үлдсэн 10 оролцогч тус бүр хоёр ари дуулж өрсөлдсөн байна. Уралдааны тэргүүн байрт ДБЭТ-ын гочлол дуучин О.Хүрэлбаатар, чөлөөт уран бүтээлч Б.Энхнаран нар шалгарсан. Хоёрдугаар байрт ДБЭТ-ын гочлол дуучин Б.Анхбаяр, Буриадын ДБЭТ-ын гочлол дуучин Б.Аюуна, гуравдугаар байрт ДБЭТ-ын гочлол дуучин Б.Гомбо-Очир нар шалгарчээ. Та бүхэнд уран бүтээлийн өндөр амжилт хүсье.

У.Баяраа