Монгол эмэгтэйг Интерполоор эрэн сурвалжилж байна

Оны өмнө манай улсын хоёр ч иргэнийг ОУ-ын эрүүгийн цагдаагийн байгууллага буюу Интерполоос эрэн сурвалжилж байсан тухай мэдээллэсэн билээ. Тэгвэл дахин нэг монгол эмэгтэйг эрэн сурвалжилж эхэлсэн байна. Тус байгууллагын албан ёсны вэб хуудаст дурдсанаар Сономцэрэнгийн Энхчимэг нь бусдын эд хөрөнгийн хувьдаа завшсан,шамшигдуулсан хэргээр шалгуулж байгаа аж.Тэрээр хэрэгт шалгагдах хугацаандаа хилээр оргон зугтсан учир шүүхийн шийдвэрээр олон улсад эрэн сурвалжлах болсон байна. С.Энхчимэг гэх эмэгтэй нь Дорноговь аймгийн Сүмбэр суманд 1972 онд төрсөн аж.