Согтуу ээжээсээ болж 6 настай охин хүчирхийлэлд өртжээ

Томчуудын хариуцлаггүй үйлдлээс бол хүүхэд хохирч байгаа тохиолдлууд олон байдаг. Үүний нэг харамсалтай жишээ бол архинд орсон ээжийсээ болж хараа хяналгүй байсаар муу санаат эрчүүдийн нүдэнд өртсөн 6 настай бяцхан охин юм.

Охины  ээж Сонгинохайрхан дүүргийн 23 дугаар хороонд оршин суудаг Н.Сувдаа гэх эмэгтэй архинаас бүрэн хамааралтай болсон нэгэн аж. Түүнийг  архи ууж, ухаанаа алдсан үед нь зургаанхан настай бяцхан охин нь хүчирхийлэлд өртсөн байна. 

Хөөрхий охины найман настай ах ч мөн тэнэмэл амьдралтай болж, гудамжинд хоног төөрүүлдэг гэнэ. Эмэгтэй хүн гэхэд дэндүү харамсмаар Н.Сувдаагийн эх байх эрхийг нь хасуулахаар Хүүхдийг эрхийг хамгаалах байгууллагууд шүүхэд хандсан аж. Шүүхээс түүнийг эх байх эрхийг нь хасч хүүхдүүдийг Хүчирхийллийн үндэсний төвийн эмзэг бүлгийн "Эрдэм" асрамжийн газарт шилжүүлээд байгаа юм байна.

Одоогоор охинд халдаж, хүчирхийлэл үйлдсэн эрэгтэйг олоогүй байгаа бөгөөд цагдаагийн байгууллага шалгаж байгаа юм.