Нийгмийг цочроосон хэргийн талаар албаны эх сурвалжууд мэдээлэл өглөө

2014 оны тавдугаар сарын 06-ны өдөр Баянзүрх дүүрэгт гарсан онц ноцтой хэрэг гарсан. Энэ хэргийн талаар дөнгөж сая Цагдаагийн ерөнхий газар мэдээлэл хийлээ. Баянзүрх дүүргийн 9 дүгээр хороо “Хар хошуу” гэх нэртэй уулын орой дээрх чулуу өрсөн овоон дээр толгойн хэсэг тасдагдсан нэг цогцос мөн биедээ олон тооны шархтай  нэг цогцос олдсон байна. Хэргийн газрын үзлэгийг цагдаагийн байгууллага нийт гурван удаа хийж эд мөрийн баримтаар 61 эд зүйлийг баримтжуулан хураан авсан байна. Хохирогч Б нь 1995 онд төрсөн, бүрэн дунд боловсролтой нэгэн байжээ. Хохирогч Б нь БЗД-ийн 19-р хороонд оршин суудаг эрхэлсэн тодорхой ажилгүй байсан аж. Мөн хохирогч Х нь 1994 онд төрсөн Ховд аймгийн харъяат, эрхэлсэн тодорхой ажилгүй нэгэн байжээ.

Тус хэргийн талаар ЦЕГ-ын хэвлэл мэдээлэлийн төвийн дарга Баатархүүгээс тодрууллаа.

-Цагдаагийн байгууллага хэзээ дуудлага авч сэжигтэнг илрүүлсэн бэ. Одоогоор сэжигтэнг баривчилсан уу?

-Манай цагдаагийн байгуулагад 2014 оны  тавдугаар сарын 08-ны өдөр орой 20.00 цагийн үед дуулага ирсэн. Цагдаагийн байгууллага сэжигтэн этгээдийг 48 цагийн дотор эрэн сурвалжилж сэжигтэй хоёр этгээдийг баривчилсан.  Хэргийг үйлдсэн сэжигтэн И нь 1991 онд төрсөн Өвөрхангай аймгийн харяъат мэргэжилгүй эрхэлсэн тодорхой ажилгүй нэгэн байгаа. Тухайн хэргийг хамтран үйлдсэн байж болзошгүй З нь БЗД-ийн 20 хорооны оршин суугч, эрхэлсэн тодорхой ажилгүй нэгэн байгаа. Сэжигтэн И нь өмнө нь СХД-ийн шүүхээр 99-99.1 зүйл ангид зааснаар 1 сарын баривчлах ялаах шийтгүүлсэн этгээд байгаа.

-Сэжигтэн үйлдсэн хэргээ хүлээж байгаа юу. Амь насаа алдсан хүмүүстэй урд танилууд байсан уу?

-Сэжигтэн И нь үйлдсэн хэргээ хүлээж байгаа. Эдгээр хүмүүс хэрэг гардаг өдөр танилцаж “Хар хошуу” гэх уулын хажууд архидан согтуурч, улмаар маргалдан хохирогчдын амь насыг хохироосон байна.

-Одоогоор хохирогчын толгойг олоогүй байгаа гэсэн мэдээлэл байгаа. Энэ хэр үнэн вэ?

-Хэрэг мөрдөн байцаалтын шатандаа явж байна. Хохирогчын толгой ямар үндэслэлээр тасрав гэдэг нь шүүх эмнэлгийн нарийн шинжилгээгээр тогтоогдоно. Сэжигтэн И нь хохирогчдыг толгойг нь чулуугаар цохьсон гэдгээ хүлээж байгаа. Хэргийн газар дээрээс хохирогчын толгой олдоогүй, самналтыг олон удаа хийсэн. Одоо ч мөн хийж байна.

Б.Сэлэнгэ