Эзэнгүй машин шатаж байсныг унтраалаа

Өчигдөр шөнийн 04:03 минутад Нийслэлийн Чингэлтэй дүүргийн 1 дүгээр хорооны 3 дугаар байрны дэргэд 26-44 УБД улсын дугаартай эзэнгүй автомашин шатаж байна гэсэн дуудлага Онцгой байдлын газарт иржээ.

Дуудлагын дагуу тус дүүргийн Онцгой байдлын хэлтсийн Гал унтраах, аврах 10 дугаар ангийн 7 албан хаагч ажиллаж шатаж буй машиныг аюулгүй болгож, галыг унтраасан байна.
Мөн Нийслэлийн Баянзүрх дүүргийн 2 дугаар хорооны 4 дүгээр хэсэг 2 гудамжны 264 тоотод Ц-ийн байшин шатаж байсныг дуудлагын дагуу очиж унтраасан байна.