Ирэх онд шатахууны үнэ буурах төлөвтэй

Б.Болорсүх | Zindaa.mn
2018 оны 11 сарын 22

 

Дэлхийн зах зээл дээр газрын тосны үнэ буурч байгаагаас шалтгаалан ирэх онд шатахууны үнэ буурах магадлалтай байна гэж Ашигт малтмал, газрын тосны газраас мэдээллээ.

Энэ сард ОХУ-аас нийлүүлсэн АИ-92 бензин 766 ам.доллар байснаа 765 ам.доллар болж буурсан байна. Энэ сард импортолсон шатахуун ирэх арванхоёрдугаар сараас борлуулалтад гардаг учир ирэх саруудад шатахууны үнэ буурах магадлалтай юм байна.

АНУ болон Хятадын худалдааны дайн, Иран болон Пакистан улсуудад тавьсан АНУ-ын хориг зэргээс шалтгаалан дэлхийн зах зээл дээр газрын тосны үнэ нэмэгдсээр ирсэн. Үүнтэй холбоотойгоор ОХУ-ын “Роснефьт” компани аравдугаар сард шатахууны хилийн үнийг тонн тутамд 45-85 ам.доллар болгож нэмсэн билээ. Гэвч энэ сар гарснаас хойш шатахууны үнэ харьцангуй буурах магадлалтай байгаа нь шинжээчдийн таамгийг эвдсэн хэрэг болсон юм.

Өнгөрсөн долоо хоногт олон улсын зах зээл дээр нэг баррель түүхий газрын тосны үнэ 92.9 ам.долларт хүрч, 0.2 хувиар унаад байна. Харин брент маркийн газрын тосны үнэ нэг баррель нь 72.8 ам.долларт хүрч, 0.4 хувиар унажээ. Энэ нь сүүлийн долоон сарын хугацаан дахь хамгийн доод үзүүлэлт юм.

Б.АЗАА

WWW.ZINDAA.MN

 

Сэтгэгдэл ( 4 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
LAG(202.21.120.170) 2018 оны 11 сарын 22

shaagaarai ...massiig mangartuulahgui shuu

0  |  0
haha(158.208.192.248) 2018 оны 11 сарын 22

Tuluvtei .... hahahaha

0  |  0
zochin(150.129.142.175) 2018 оны 11 сарын 22

zongoor bailga tegvel sain amarch baigaad unee buulgana

0  |  0
Эгэл нэг иргэн(103.9.89.18) 2018 оны 11 сарын 22

Хүрэлсүх хошгоруулаад хулхидах гэж байна. Энэ бол шинэ арга биш.

0  |  0
Top