Сэтгэцийн өвчтэй эмэгтэй өөрийгөө буудаж гэмтээжээ

Өнгөрсөн амралтын өдөр буюу арваннэгдүгээр сарын 29-ний өдөр Завхан аймгийн Их-Уул сумын нэгдсэн эмнэлэгт буудуулсан хүн хүргэгдэн иржээ.

Хэргийг цагдаагийн байгууллагаас шалгахад, гэмтсэн иргэн өөрийгөө буудаж, амиа хорлохыг завдсан нь тогтоогдсон байна.

Тэрбээр ОХУ-д үйлдвэрлэсэн, хошууг нь тайрсан ТОЗ-8 загварын буу ашиглан, эрүүн дороосоо буудсан байжээ. Амиа хорлох оролдлого хийсэн эмэгтэй Завхан аймгийн Их-Уул сумын Зарт багийн харьяат бөгөөд аймгийн нэгдсэн эмнэлэгт сэтгэцийн эмчийн хяналтад байдаг аж. Хэргийг Завхан аймаг дахь цагдаагийн газрын Тосонцэнгэл сум дахь сум дундын цагдаагийн хэлтэст үргэлжлүүлэн шалгаж байна.