Э.Бат-Амгалан БЗД-ийн Онцгой байдлын хэлтэст автомашин гардууллаа
УИХ-ын гишүүн Э.Бат-Амгалан Баянзүрх дүүргийн Онцгой байдлын хэлтэст шаардлагатай машиныг гардууллаа.
Тэрээр хэлэхдээ “Коронавируст цар тахлын үед өвчтөн тээвэрлэхээс эхлээд маш олон асуудалтай тулгарч байгаа эмч, цагдаа, онцгой байдлын алба хаагчдаа Баянзүрх дүүргээс сонгогдсон гишүүд бид үе шаттайгаар дэмжинэ. Үүний эхлэл болгож Баянзүрх дүүргийн Онцгой байдлын хэлтэст шаардлагатай машиныг хандивлаж байна. Цар тахлын амаргүй цаг үед өдөр шөнөгүй, нойр хоолгүй ажиллаж байгаа та бүхэндээ баярлалаа” гэлээ
УИХ-ын гишүүн Э.Бат-Амгалан 2020 оны арваннэгдүгээр сарын 25-аас эхлэн “Далайд дусал нэмэр” аяныг санаачилжээ.
Уг аянд өнөөдрийн байдлаар 100 гаруй Аж ахуй нэгжийн 112 гаруй сая төгрөг цугларч, зорилтот бүлгийн 20000 гаруй өрхөд шаардлагатай хүнс, түлшний тусламжийг түгээсэн байна. Мөн Баянзүрх дүүргийн хэмжээнд үйл ажиллагаа явуулдаг өрхийн эрүүл мэндийн төвүүдэд нэн шаардлагатай амны хаалт, хамгаалалтын хувцас, гар ариутгагч зэргийг хандивлажээ.
Холбоотой мэдээ
Сэтгэгдэл ( 0 )