Увс аймагт малд явсан 12 настай охин голд амиа алджээ

Б.Эрхэс | Zindaa.mn
2021 оны 07 сарын 29

Увс аймгийн Тариалан сумын гуравдугаар багийн Цалгар гэдэг газар өчигдөр буюу энэ сарын 28-ны өдрийн 15:00 цагийн орчим усархаг ширүүн бороо орж, 18 мм тунадас буужээ. 

Үерийн улмаас мал хариулж явсан бага насны хүүхэд усанд урссан тухай дуудлага тухайн өдрийн 18:30 цагт Онцгой байдлын албанд ирсэн байна.

Улмаар аймгийн Онцгой байдлын газрын Эрэн хайх, аврах салбарын алба хаагчид, сумын Засаг даргын Тамгын газрын ажилтнууд эрэн хайх ажиллагааг зохион байгуулж, долдугаар сарын 28-ны өдрийн 11:45 цагт “Шар шувуутын-Ам” гэдэг газраас Увс аймгийн Тариалан сумын харьяат У /12 настай, эмэгтэй/-ийн цогцсыг олж, цагдаагийн байгууллагад шилжүүлэн өгчээ.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top