ӨГЛӨӨНИЙ МЭНД!
Өнөөдөр 2023.09.12. Билгийн тооллын 28. Монгол эх оронд маань нар 06 цаг 28 минутад мандлаа, 19 цаг 13 минутад жаргана.
Улаанбаатар хотод багавтар үүлэрхэг. Өдөртөө 20 хэм, шөнөдөө 1 хэм дулаан. Та хувцсаа тохируулж өмсөөд гараарай.
Өнөөдөр Олон улсын Өмнөд-Өмнөд хамтын ажиллагааны өдөр. Орост энэ өдөр Төрийн далбааны өдөр бол Иранд Киноны өдөр юм.
Энэ өдөр анхны сансрын жуулчин эмэгтэй болох иран гаралтай Америкийн эрдэмтэн Ануше Ансари, Норвегийн цаначин, олимпын аварга Андерс Эукланн, Хятадын сагсан бөмбөгч Яо Мин, Герман-Италийн хөлбөмбөгийн дасгалжуулагч Доменико Тедеско, БНСУ-ын рэпер, продюсер, хөгжмийн зохиолч, BTS хамтлагийн ахлагч Ким Намжүн, Угандагийн холын зайн гүйгч, олимпын аварга Жошуа Чептегеи зэрэг алдартан төрсөн өдрөө тэмдэглэж байна.
Энэ өдөр Монгол Улсын түүхэнд болсон онцлох үйл явдал:
1962 оны энэ өдөр Бүгд Найрамдах Монгол Ард Улс Лаосын Вант улстай дипломат харилцаа тогтоожээ.
Энэ өдөр дэлхий дахинд болсон онцлох үйл явдлууд:
1905 оны энэ өдөр Оросын профессор В.Г.Цеге-фон-Мантейфель анх удаагаа хүний зүрхнээс сум гаргаж авах мэс заслыг амжилттай хийжээ.
1940 оны энэ өдөр Францын Ласко агуйгаас хадны сүг зураг олдсон байна.
1943 оны энэ өдөр Отто Скорцени Бенито Муссолиниг суллажээ.
1963 оны энэ өдөр Их Британийн хит парадыг “Битлз” хамтлаг “She Loves You” дуугаараа тэргүүлэв.
1974 оны энэ өдөр Этиопийн эзэн хаан I Хайле Селассие хаан ширээнээсээ буужээ.
2007 оны энэ өдөр Филиппиний Ерөнхийлөгч Жозеф Эстрада улс орноо дээрэмдсэн хэмээгдэж, бүх насаараа хорих ял сонсов.
Өнөөдөр үс засуулвал хэрүүл тэмцэл ирнэ.
Эл өдөр үхэр, могой жилтнээ аливаа үйлийг хийхэд эерэг сайн, бич, тахиа жилтнээ сөрөг муу нөлөөтэй. Өнөөдөр ан гөрөө хийх, мал адгуус муулах, лусыг тахих, хагалгаа хийлгэх, буг дарах, газрын ам бооход сайн. Харин мод суулгах, нарийн зөвлөгөө хийх, сэтгэлд сэвтэй газар очих, байшингийн суурь тавих, угаалга үйлдэхэд муу. Өдрийн сайн цаг нь хулгана, бар, туулай, морь, хонь, тахиа.
Хол газар явах бол баруун хойд зүгт мөрөө гаргаад аян замдаа гараарай. Таны аяны болон амьдралын ганзага үргэлж дүүрэн байг.
Өнөөдрийн ажилд тань амжилт хүсье.
Холбоотой мэдээ
Сэтгэгдэл ( 0 )