ӨГЛӨӨНИЙ МЭНД!

Өнөөдөр 2024.03.14.

Өнөөдөр Япон, БНСУ-д хосуудын эрчүүд нь эмэгтэйдээ бэлэг өгдөг өдөр, Андоррад Үндсэн хуулийн өдөр, Эстонид Эх хэлний өдөр.

Өнөөдөр Монгол Улсын Гавьяат тамирчин, олимпын хүрэл медальт, дэлхийн аварга жүдоч М.Уранцэцэгийн төрсөн өдөр. Түүнчлэн Уэлсийн хөлбөмбөгч Жо Аллен, Исландын хөлбөмбөгч Колбейнн Сигторссон, Америкийн гимнастикч, олимпын дөрвөн удаагийн аварга, дэлхийн 10 удаагийн аварга Симон Байлс зэрэг алдартан мэндэлжээ.

Энэ өдөр Монгол Улсын түүхэнд болсон онцлох үйл явдлууд:

2013 оны энэ өдөр Нийслэлийн Удирдлагын зөвлөлийн ээлжит хурал болж, хотын захиргааг Баянхошуу руу нүүлгэх асуудлыг хэлэлцэж, дэмжиж байв.

2014 оны энэ өдөр Монгол Улсын Их Хурлын дарга Зандаахүүгийн Энхболд БНСУ-ын Үндэсний Ассамблейн дарга Кан Чан Хигийн урилгаар тус улсад албан ёсны айлчлал хийжээ.

Мөн энэ өдөр Монголын соёлын “Дэлхий” ассоциацаас санаачлан Гадаад харилцааны яам, Монгол Улсаас БНХАУ-ын Засаг захиргааны онцгой бүс Хонконгт суугаа Ерөнхий консулын газрын дэмжлэгтэйгээр гуравдугаар сарын 18-наас эхлэн долоо хоногийн турш “Монголын өдрүүд”-ийг Хонконгт зохион байгуулахаар болжээ.

Энэ өдөр дэлхий дахинд болсон онцлох үйл явдлууд:

1942 оны энэ өдөр шинээр нээсэн пенициллинийг анх удаагаа өвчтөнд туршжээ.

1982 оны энэ өдөр Калифорнийн Анахейм хотод Металлика хамтлаг анхны тоглолтоо хийв.

2004 оны энэ өдөр АНУ-ын Калифорнийн Мохаве цөлд робот автомашины анхны уралдаан болжээ.

Мөн энэ өдөр Владимир Путин ОХУ-ын Ерөнхийлөгчөөр хоёр дахь удаагаа сонгогдсон билээ.