Уран зургийн галлерейд “Нүүдэл” уран зургийн үзэсгэлэн дэлгэгдэнэ

Тулгар төрийн 2233 жил, Их монгол улсын 818 жил, Үндэсний эрх чөлөө, тусгаар тогтнолоо сэргээн мандуулсны 113, Ардын хувьсгалын 103 жилийн ой, Үндэсний их баяр наадмыг тохиолдуулан Монголын уран зургийн галерейд зохион байгуулж буй “НҮҮДЭЛ” уран зургийн үзэсгэлэн нь нүүдэлчдийн соёлын өвийг тээж ирсэн Монголчуудын уламжлалт зан заншил, ертөнцийг үзэх үзэл, ахуйн өвөрмөц хэв маяг болон Монгол улсын тусгаар тогтнол, бүрэн эрхт байдлын бэлгэдэл болсон уламжлалт баяр наадмыг Монголын дүрслэх урлагт хэрхэн дүрсэлснийг Монголын уран зургийн галерейн алтан сан хөмрөгт хадгалагдаж буй сор бүтээлүүдээр дамжуулан үзэгч түмэнд толилуулж буй юм.

Үзэсгэлэн 2024.07.08-15-ны өдрүүдэд 09:00-18:00 цагийн хооронд Монголын Уран Зургийн галерейд зохион байгуулагдана.