ӨГЛӨӨНИЙ МЭНД!

Өнөөдөр 2024.10.10. Энэ оны 284 дахь өдөр бөгөөд он дуусахад 82 хоног үлдэж байна. Монгол эх оронд маань нар 07 цаг 04 минутад мандаж, 18 цаг 14 минутад жаргана.

Улаанбаатарт цэлмэг. Өдөртөө 14 хэм дулаан, шөнөдөө -4 хэм байна. Та хувцсаа тохируулж өмсөөд гараарай.

Өнөөдөр Дэлхийн сэтгэцийн эрүүл мэндийн өдөр. Мөн Цаазын ялын эсрэг дэлхийн өдөр тохиож байна. Фижи улсад өнөөдөр Тусгаар тогтнолын өдөр, Финландад Утга зохиолын, Кубад Тусгаар тогтнолын, Польшид Мод тарих, Шри-Ланкад Зэвсэгт хүчний өдрийг тэмдэглэж байна.

Энэ өдөр мэндэлсэн алдартнуудаас дурдвал, Италийн анхны сансрын нисэгч Франко Малерба, Францын жүжигчин Франсис Перрен, Ипполит Жир, Америкийн дуучин, жүжигчин Дэвид Ли Рот, Английн хөл бөмбөгч Тони Адамс, Оросын жүжигчин Филипп Янковский, Мексикийн найруулагч Карлос Рэйгадас, Оросын программист, “ВКонтакте” цахим сүлжээг үндэслэгч Павел Дуров, Аргентины хөл бөмбөгч Эсекьель Гарай нар юм.

Энэ өдөр Монгол Улсын түүхэнд болсон онцлох үйл явдлаас сөхвөл:

2005 оны энэ өдөр Нүхтэд “Хэн Ёоу Юань Техникийн хөгжил” ХХК-ийн Монгол Улс дахь жишиг барилгын тууз хайчлах ёслол болжээ.

2016 оны энэ өдөр НҮБ-ын Гамшгийн эрсдэлийг бууруулах газрын “Аюулгүй, гамшгийг даван туулах чадавхтай хотыг бий болгох нь“ уриалгад Монгол Улсын Улаанбаатар, Дархан, Эрдэнэт хотууд нэгдэв.

Энэ өдөр дэлхий дахинд болсон онцлох үйл явдлуудаас дурдвал:

1933 оны энэ өдөр АНУ-д дэлхийн анхны угаалгын нунтаг худалдаанд гарчээ.

1945 оны энэ өдөр Солонгосын Хөдөлмөрийн нам үүсгэн байгуулагдав.

1963 оны энэ өдөр Цөмийн зэвсгийг агаар, сансар, усанд туршихыг хориглосон гэрээг баталжээ.

1964 оны энэ өдөр Токиод Олимпын XVIII наадам эхэлж байв.

1990 оны энэ өдөр Киевийн оюутнууд Украиныг тусгаар улс болгохын төлөө өлсгөлөн зарлажээ.

Билгийн тооллын 7. Тухайн өдөр гахай, туулай жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба угаал үйлдэх, мал худалдан авах, мал түгээх, огторгуйн үүдийг боох, их хүмүүнтэй уулзахад сайн. Сахил санваар авах, хануур, төөнүүр хийлгэх, балгадын суурь тавих, нохой худалдан авахад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод зүүн хойш мөрөө гаргавал зохистой.

Өнөөдөр үс засуулбал хэл ам,хэрүүл тэмцэл ирнэ.

Өнөөдрийн ажилд тань амжилт хүсье!