ӨГЛӨӨНИЙ МЭНД!
Өнөөдөр 2024.11.08. Энэ оны 313 дэх өдөр бөгөөд он дуусахад 53 хоног үлдэж байна. Монгол эх оронд маань нар 07 цаг 48 минутад мандаж, 17 цаг 24 минутад жаргана.
Улаанбаатарт цэлмэг. Өдөртөө 4 хэм дулаан, шөнөдөө 2 хэм хүйтэн байна. Та хувцсаа тохируулж өмсөөд гараарай.
Өнөөдөр Олон улсын Wi-Fi-гүй өдөр мөн Олон улсын хүслээ биелүүлэх өдөр тохиож байна. Канадад өнөөдөр Нутгийн уугуул ахмад иргэдийн өдөр, Киргизэд Улс төрийн хэлмэгдэгсдийн дурсгалыг хүндэтгэх өдөр, Казахстанд Статистикийн ажилчдын өдрийг тэмдэглэж байна.
Энэ өдөр Английн хөлбөмбөгч Жо Коул, Японы манга зураач, “Нарүто”-гийн эцэг Кишимото Масаши, Америкийн зохиолч Жеффри Форд, Нидерландын дасгалжуулагч Гус Хиддинк, Францын жүжигчин Ален Делон, Японы зохиолч Казүо Ишигүро зэрэг алдартны төрсөн өдөр.
Энэ өдөр Монгол Улсын түүхэнд болсон онцлох үйл явдал:
1924 оны энэ өдөр Улсын анхдугаар их хурал хуралджээ. Хуралд 77 төлөөлөгч оролцсон бөгөөд Монгол Улсын анхны Үндсэн хуулийг батлах асуудлыг хэлэлцэж эхлэв.
Энэ өдөр дэлхий дахинд болсон онцлох үйл явдлууд:
1602 оны энэ өдөр Оксфордод Бодлиан номын сан байгуулагджээ.
1893 оны энэ өдөр Америкийн Колорадод эмэгтэйчүүд сонгуулийн эрхтэй болжээ.
1895 оны энэ өдөр Эрдэмтэн Вильгельм Рентген “Рентген” хэмээн нэрлэгдсэн туяаг нээсэн байна.
1923 оны энэ өдөр фашистууд Германы Мюнхенд засгийн эрх булаан авах оролдлого хийжээ.
1933 оны энэ өдөр Токиогийн морин тойруулгын анхны уралдаан болжээ.
1971 оны энэ өдөр Led Zeppelin хамтлаг “Led Zeppelin IV” цомгоо гаргасан байна.
1994 оны энэ өдөр Жорж Буш Техас мужийн амбан захирагчаар сонгогджээ.
2016 оны энэ өдөр Доналд Трамп АНУ-ын Ерөнхийлөгчөөр сонгогдов.
Билгийн тооллын 7. Тухайн өдөр луу, бич жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлд шамдах, бүтээл туурвил эхлэх, худалдаа арилжаа хийх, бизнэс эхлэх, зэрэг дэвших, лусыг тахих, хүүхэд үрчлэн авах, урлан бүтээхэд сайн. Улааны үйл, төлгө тавих, морь уралдах, сэтгэлд сэвтэй газар очиход муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод зүүн урагш мөрөө гаргавал зохистой.
Өнөөдөр үс засуулбал хэл ам,хэрүүл тэмцэл ирнэ.
Өнөөдрийн ажилд тань амжилт хүсье!
Холбоотой мэдээ
Сэтгэгдэл ( 0 )