ӨГЛӨӨНИЙ МЭНД!

Өнөөдөр 2024.11.11. Энэ оны 316 дэх өдөр бөгөөд он дуусахад 50 хоног үлдэж байна. Монгол эх оронд маань нар 07 цаг 53 минутад мандаж, 17 цаг 20 минутад жаргана.

Улаанбаатарт цэлмэг. Өдөртөө 1 хэм дулаан, шөнөдөө 10 хэм хүйтэн байна. Та хувцсаа тохируулж өмсөөд гараарай.

Өнөөдөр Олон улсын худалдан авалт хийх өдөр. Мөн Олон улсын өнчин хүүхдүүдэд туслах өдөр юм. Анголд Тусгаар тогтнолын баяр, Их Британид Дэлхийн нэгдүгээр дайн дууссан өдөр, Хятадад Ганц бие хүмүүсийн өдөр, Польшид тусгаар тогтнолын өдөр, АНУ-д Ахмад дайчдын өдөр.

Энэ өдөр Оскарын шагналт жүжигчин Леонардо ДиКаприо, Германы хөлбөмбөгч Филипп Лам, Никарагуагийн Ерөнхийлөгч асан Даниэл Ортега, Японы дуучин Рэйна Танака, Америкийн жүжигчин, телевизийн хөтлөгч Мишель Трахтенберг, дуучин Карди Би, Нидерландын хөлбөмбөгч Кика ван Эс зэрэг алдартны төрсөн өдөр.

Энэ өдөр дэлхий дахинд болсон онцлох үйл явдлууд:

1843 оны энэ өдөр Дани улсад Ханс Кристиан Андерсений “Нугасны муухай дэгдээхэй” үлгэр анх хэвлэгджээ.

1889 оны энэ өдөр Вашингтон АНУ-ын 42 дахь муж болжээ.

1937 оны энэ өдөр Японы цэрэг Хятадын Шанхай хотыг эзлэн авчээ.

1936 оны энэ өдөр Английн телевиз дэлхийд анх удаагаа цаг агаарын мэдээ дамжуулсан байна.

1975 оны энэ өдөр Ангол улс Португалын эрхшээлээс гарснаа зарласан байна.

1999 оны энэ өдөр Их Британийн одон орон судлаач Жон Мюррей өөрийн тооцооллоороо Нарны эргэн тойронд аравдугаар тойрог замд Бархасвадь гарагаас том гараг байгааг зарлажээ.

Билгийн тооллын 10. Тухайн өдөр хонь, гахай жилтнээ аливаа үйлийг хийхэд эерэг сайн. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, угаал үйлдэх, мал аж ахуйн үйл, удирдлагын суудалд суух, огторгуйн үүдийг боох, их хүмүүнтэй уулзахад сайн. Газар хагалах, ус булгийн эх малтах, балгадын суурь тавих, нохой худалдан авахад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод зүүн хойш мөрөө гаргавал зохистой.

Өнөөдөр үс засуулбал эрч хүч ихэснэ.

Өнөөдрийн ажилд тань амжилт хүсье!